鄭啟泰向同居女友求婚成功 離職兩個月後重返新城開咪

鄭啟泰向同居女友求婚成功 離職兩個月後重返新城開咪

喺新劇《本尊就位》中飾演五族房鎮警察局局長嘅鄭啟泰,近日在公在私都接連有喜事,先係人生大事,啟泰兩個禮拜前,成功向同居兩年幾嘅女友求婚成功、前速度滾軸溜冰香港代表隊成員王雁芝求婚成功。工作方面,喺1月31號佢就重返之前工作二十幾年,喺兩個月前先離職嘅娘家新城電台開咪。

鄭啟泰送花給馬浚偉。

啟泰非常細心,特別準備咗二十枝紅玫瑰,送給公司嘅女同事,當中包括咁啱嚟到電台受訪嘅歌手蘇家欣、新城知訊台台長程凱欣同女主持黎莉同陳以禔,逐一同大家講聲:「我返嚟喇!」佢又特別走到茶水房,專誠獻花畀負責茶水間嘅姐姐同人事部負責出糧嘅女同事,感謝大家一直幫忙。

鄭啟泰返新城開咪。
當然唔少得送花畀邀請佢回巢嘅馬浚偉,馬仔仲搶先祝賀啟泰求婚成功「 Welcome back!其實你係返屋企。」對於啟泰感謝邀請回巢,馬仔話:「大家都邀請你返屋企,冇人當你離家出走過,你咁任性,浪子。」啟泰坦承自己仲係bad boy,但見過出面嘅世界,發覺娘家係最舒服。

鄭啟泰送花給知訊台主持黎莉。
啟泰第一日開咪,喺節目中第一時間同聽眾們講:「我離家出走,而家返嚟喇!」佢仲同拍檔T-MAX互相鍚面,十分肉緊,啟泰希望能以老帶嫩。 佢又話自己離家出走呢段期間,去過深圳、廣州、橫店拍戲。佢又提到三個禮拜前,馬浚偉叫佢返電台傾偈,當時對方叫佢着返新城件「波衫」,件「波衫」仲係喺佢之前枱面上,望住已經『着咗』20年嘅「波衫」,佢就二話不說着返上身。」佢又話:「今年幾好,返嚟新城大家庭,又返內地拍工作,亦開展新嘅家庭生活,如果大家收到我嘅喜帖,一定要嚟呀。」

鄭啟泰逝世|王雁芝回憶甜蜜點滴:喊完就要笑 延續他的快樂成為Eric 2.0

鄭啟泰上周六突然離世,消息震驚娛樂圈。由於鄭啟泰逝世前兩日,才對外公布已向女友王雁芝(Angie)求婚成功,如今「鬼怪」突然離開我們,令外界更加關心未婚妻Angie的情緒。

王雁芝昨日接受新城電台電話訪問時,以「老公」稱呼鄭啟泰:「好多朋友都話點解妳可以咁堅強,想喊就喊啦,我話其實已經喊完,喊完就要笑番。記得每一次我喊,佢都會話『哎,全世界最醜樣係妳呀,快啲笑番啦,嚇死人咩。』」

王雁芝提到,因初認識鄭啟泰時沒有太多好感,直到拍拖後才發現他的另一面:「佢特別識享受人生,佢會開著音樂跳舞掃地,又會帶我去銅鑼灣油站對面開張枱野餐,亦會自製Menu喺我擦牙時貼在窗寫:「Chef Eric’s menu of tonight With unlimited kisses and hearts !」係咪好浪漫?」

她指與鄭啟泰拍拖兩年,是人生最幸福、最浪漫時光:「我好慶幸識到佢,可以陪佢行到最後一秒,雖然佢已經唔喺度,我會延續他的快樂,成為Eric 2.0,繼續開心咁行落去。人生係長跑,但我呢位長距離Roller選手,竟然入咗去短跑跑道,可能我地爆發力太強,愛得太轟烈,相信不在乎天長地久,只在乎長期心裡擁有,希望大家記得鄭啟泰的好,繼續延續他的正能量。」

最後,王雁芝在訪問中甜稱︰「I Love you 鄭啟泰!I Love you老公!」

 相關推薦

熱門搜尋