黎諾懿盼陳敏之走出喪母之痛 龍婷證實中一生友情深厚

黎諾懿盼陳敏之走出喪母之痛 龍婷證實中一生友情深厚

黎諾懿、林子超、李錦聯等一眾藝人以義工身份前往南山邨同老友記們食盆菜提早過年,氹得公公婆婆們非常開心。諾懿好友陳敏之嘅媽媽早前不敵癌魔離世,敏之一時間難以平服喪母之痛。諾懿大讚陳媽媽係一位好母親,亦希望大家可以俾啲時間同空間敏之緩和心情,一班朋友亦會喺敏之身邊。諾懿仲話,大家不必擔心敏之嘅直播帶貨工作有任何影響,事關仲有佢同Yoyo陳自瑤等人喺度。

《中年好聲音》歌手龍婷呢日為老友記們獻唱金曲,令現場氣氛更加熱鬧。近日中一生曹敏寶、梁浩銓被出不倫婚外情緋聞,龍婷對呢單新聞都表示唔知情,自己都係朋友發俾佢先留意到。但係中一生關係融洽,特別係12強選手嘅友情更加深厚,所以龍婷就認為大家都係好好嘅朋友。

見到李錦聯,大家都會以為佢係要準備大展身手整幾味俾老友記品嚐,但呢日佢就唔係廚師,而係歌手!李錦聯笑言要多功能發展,不過佢唱就得,唱跳就未能駕馭得到。

HOME即是識丨周吉佩支嚳儀被森美嘲「吉儀隊」 魏嘉信與曹敏寶生三個?

由森美、馮盈盈、陳若思及倪嘉雯主持嘅問答遊戲節目《HOME即是識》,逢周一至三晚10點半翡翠台播映。 《HOME即是識》係一個關於家居大小事嘅問答遊戲節目,透過問答遊戲及做實驗等唔同方法教曉觀眾家居大小事。參賽者不論藝人或素人、只要擅長處理家中大小雜事就能夠參加,組隊爭奪高達港幣10萬元的獎金獎品!

曹敏寶自稱擁5年家庭主婦經驗,聽她解釋雞蛋結構及擺放方法亦似乎頭頭是道。周吉佩同支嚳儀挑戰摺襪。

今(20號)、明(21號)兩晚播出嘅第三輪初賽,藝人隊係來自《中年好聲音》 周吉佩(吉吉)及支嚳儀、曹敏寶及魏嘉信;素人隊則有加菲貓+小丸子、Mandy+Kenneth、Rainy+Paddy 以及Carol+Ming。「家務擔當」吉吉自揭嗜好係洗碗, 笑言透過洗碗能清空頭腦,絕對係紓壓好方法;支嚳儀笑指更換垃圾袋時會噴香水,確保每次掉垃圾都香氣四溢。對於吉吉與支嚳儀組隊,森美笑稱「唔老黎」: 「一個叫阿吉,一個叫阿儀,咪『吉儀』組合?!」講到生得最多小朋友嘅隊伍,魏嘉信自告奮勇:「我哋都三個,夾埋……唔係一齊生!」森美聞言即揶揄:「知道唔係你兩個生,律師講嘢果然精準好多(魏嘉信職業為律師)。」

周吉佩、支嚳儀與素人隊玩得非常投入!

喺第一回合選擇題,其中一題指雞蛋尖頭向下放更能保鮮,擁有5年家庭主婦經驗嘅曹敏寶即頭頭是道:「我知道蛋嘅氣室喺闊啲嗰邊,所以倒轉擺蛋黃喺上面,同氣室接觸多啲……」究竟曹敏寶隊可有答對問題?節目自有分曉。第二回合實驗題,除咗摺襪比賽、仲有鬥快令磨砂玻璃變回清透,一眾嘉賓玩得相當落力,場面熱鬧。搞笑就係有一隊無論點樣落力,最終都係「吞蛋」收場,到底係邊隊?

支嚳儀同 Kenneth 爭奪道具,Mandy+Kenneth 家中自設小農莊種蔬果,感覺都係知識達人系列。最後的終極搶答環節,又會花落誰家?

輪到最激烈嘅雪櫃爭奪道具環節,究竟使用咩物件能有效去除金屬表面油漬? 「吉儀隊」派出支嚳儀做代表與Kenneth對戰,二人和平地各自選不同道具, 到底家中自設小農莊種蔬果嘅 Mandy+Kenneth、會唔會因本身具備相關知識最終獲勝?而最後終極搶答環節,又會花落誰家?密切留意本周二及三晚《HOME即是識》。

支嚳儀同周吉佩原本自封「吉列支排隊」,卻被森美嘲為「吉儀隊」!魏嘉信話完同曹敏寶有三個小朋友,下一秒即緊張解釋:「夾埋……唔係一 齊生!」 (左起)馮盈盈、森美及陳若思擔任主持人。

《HOME即是識》周一至三晚10點半翡翠台播映

 相關推薦

熱門搜尋