我們家的料理｜顧定軒演隱世廚神乘機偷師 馮皓揚盼學廚藝冧未來女友

由倪嘉雯、顧定軒、馮皓揚主持嘅J2飲食綜藝節目《我們家的料理》話咁快就煞科喇，雖然拍攝時間緊湊，但三位都拍得好開心，對於煞科亦大感不捨。除咗唔捨得拍檔外，Carmen最不捨就係節目嘅美食。第一次同兩位型男合作嘅佢，都覺得好有新鮮感，亦希望節目可以添食。

節目將會以小劇場方式教觀眾下廚，飾演廚神嘅Zeno曾經喺餐廳打過工，又熱愛下廚，但真正技術仍然同廚師有段距離。 呢次Zeno把握機會向真正廚師Oreo拜師，又分享喺節目中最令佢記憶深刻嘅一道菜式就係卡邦尼意粉，因為Oreo加左一樣好特別嘅材料落去。

節目入嚟將會周Carmen譜姊弟戀嘅羊羊，雖然係廚藝有限公司，但經過呢次拍攝後都令佢對下廚興趣大增。宜家只係番茄炒蛋呢啲基本菜式嘅佢就希望未來可以煮到意粉、龍蝦、牛扒等等，可以氹下屋企人同未來女友啊。