任賢齊常被朋友拎著數 願為林家棟做任何事

由郭富城、林家棟、任賢齊主演嘅賀歲片即將喺年三十上映。小齊拍攝今齣電影極具感慨，唔只首次同郭富城首次合作，更同林家棟成為情同手足嘅好兄弟。

小齊指今次角色同過往好不一樣，因為以前演出作品都係演悍匪，兇狠囂張，跟學生時期嘅自己好相似。但今次「慕容輝」就係「冇用輝」，係一個好人做唔到，壞人做唔到，經常好心做壞事嘅人物。
 
雖然小齊同城城相識十幾年，不過合作就真係第一次。小齊好欣賞城城對角色嘅認真，仲分享劇組初次圍讀情境，當時城城己經好入戲，仲裝埋了假哨牙套。而佢地嘅角色惺惺相惜，最後天涯淪落人，所以成個拍戲過程好有意思。
 
至於小齊同家棟喺戲中關係係「沙煲兄弟」，不過就經常會被家棟搵著數。其實小齊都話，喺現實中自己身邊都會有呢種朋友，鍾意搵自己著數、佔便宜，成日黐着你，搞到你好慘，知道佢因為沒辦法，自己會嬲但都係會仍然繼續幫佢。
 
呢次亦係小齊同家棟第二次合作，因為小齊覺得家棟能夠感動自己，只要係家棟出聲叫佢做任何事，佢都會幫手。小齊都大讚家棟為電影付出很好多，但同時笑言，最驚半夜接到家棟電話，因為家棟會話：「小齊我改左劇本，我們要點樣點樣改。」半夜三更，聽日又早班，翌日見到家棟寫好所有修改嘅對白，同標注好嘅地方再一齊討論，雖然好攰但好興奮。小齊形容自己同家棟好似患難兄弟一樣，佢做得真係好真實，拍戲嗰陣自己同佢成日喺埋一齊，合作得很開心。