帶貨女王陳自瑤擁專屬頻道 龍年寄望較多幕前演出

近年主攻直播帶貨，創出驕人成績嘅直播帶貨女王陳自瑤，再次出動向網民推介抵買嘅賀年食品，Yoyo亦專登著到一身紅噹噹配合過年氣氛，而今次係Yoyo嘅個人專場頻道，所以當中嘅產品都係佢從芸芸嘅產品名單中細心試過用過，再精心挑選出嚟，佢話今次有好多抵買嘅賀年食品，又有適合團年飯嘅套餐，只係幾百蚊就可以喺屋企享用。

下個禮拜就已經踏入年初一，不過Yoyo就話自己忙到都未辦年貨，因為早前有段時間唔喺香港，到最近啱啱先返嚟，跟住就一直忙工作，佢話自己未換錢封利是，又未買揮春同年花，連過年嘅食品都未準備。

Yoyo舊年喺直播帶貨市場帶嚟名利雙收，講到新一年，佢都希望再作多方面發展，除咗新嘗試之外，亦希望多啲參與綜藝節目或者拍劇，平衡返時間喺幕前同觀眾見面。