傳Ella老公令S.H.E感情生變 Hebe力證姊妹情零動搖

傳Ella老公令S.H.E感情生變 Hebe力證姊妹情零動搖

台灣天團S.H.E三位成員感情向來深厚,日前忽然傳出因為Ella老公令田馥甄Hebe同Ella姊妹情有變,有報道指有電影公司想搵Hebe同Ella一齊拍戲,但Ella老公賴斯翔因為唔想太太女一戲份被瓜分,所以向電影公司提議由Ella獨自出演,仲背後向Hebe「插刀」﹐重提Hebe被網民抨擊一事網。Ella夫婦經已否認過,呢日輪到Hebe親自回應:「我們S.H.E的友誼超過20年,一路走來沒有什麼可以阻礙到我們的友誼,任何事只能令我們的友誼更堅定。」Hebe更坦言自己以唱歌為主,暫時無意挑戰演戲。

另外Hebe亦分享最近跳出舒適圈挑戰坐熱氣球,希望衝破框架呢種心境,同時喺生活上、工作上應用到。 就到農曆新年,仲係單身嘅Hebe對於被長輩催婚,佢都有一套應對方法,笑言話:「我會笑而不答,有時候好似應對傳媒一樣就可以了。」

林俊傑為Ed Sheeran演唱會任嘉賓 10分鐘教對方用中文唱《不為誰而作的歌》

英國創作歌手Ed Sheeran最近正進行世界巡迴演唱會,16號就去到新加坡站。為咗為新加坡站嘅觀眾帶嚟驚喜,Ed Sheeran請嚟 林俊傑JJ 擔任嘉賓。

為咗貫徹驚喜,Ed Sheeran同JJ綵排時,JJ特意教對方唱幾句《不為誰而作的歌》嘅中文歌詞嘅發音,所以當Ed Sheeran喺台上以中文唱出《不為誰而作的歌》嘅副歌時,場內觀眾瞬即嗨翻。

由於2月17號係Ed Sheeran嘅33歲生日,所以 JJ 就以合唱歌嘅後半部分改成「Happy Birthday to you」嚟為對方慶祝生日。

騷後Ed Sheeran將綵排片段同演唱會片段剪輯好上載到社放平台,佢喺帖文上表喺台上以中文唱嘅副歌,係自己上台前10分鐘JJ教佢嘅,Ed Sheeran仲話自己係第一次用國語說話同唱歌呀。



 相關推薦

熱門搜尋