執法者們丨陳豪馬國明黃宗澤三大視帝集結 宣萱擔心同馬明感情線被質疑

執法者們丨陳豪馬國明黃宗澤三大視帝集結 宣萱擔心同馬明感情線被質疑

出爐視帝陳豪、馬國明、黃宗澤、宣萱、吳啟華、蔡潔、劉佩玥、陳瀅、洪永城、陳敏之、羅子溢、梁競徽、胡鴻鈞、陳星妤同埋涂毓遴等人出席新劇《執法者們》開鏡拜神儀式。見到阿Mo呢身造型,就知佢今次係演律師,繼10年前喺劇集《法外風雲》演律師後,阿Mo已經有一段時間無拍呢類角色, 自己都非常期待,要講同法律相關嘅對白,阿Mo都話要啲時間準備同做定功課。今次佢就同宣萱有感情線,佢話自從上次合作後,已經有一段時間無見。

除咗同宣萱之外,阿Mo呢次同飾演警察嘅Bosco,以及飾演ICAC嘅馬明都有唔少對手戲,呢個鐵三角視帝組合破天荒合作,Bosco預告佢呢次啲打戲將會係三個當中最甘,佢講笑話同武指講可唔可以私人畀錢請多兩個替身,佢話編劇絕對係挑戰拍劇嘅預算,同埋劇集嘅尺度,因為佢睇住啲打鬥劇本,好懷疑係咪真係播到出街。早前Bosco拎大灣區視帝寶座,宣讀致謝詞時竟然漏咗多謝樂小姐,好彩佢落台後即時補鑊,而呢日佢講返自己嘅一時之失,都覺得好內㡱,仲話已經加約同跪地叩頭賠罪。

呢次宣萱同啟華再次合作,唔單止觀眾引頸以待,佢哋都話回憶返晒嚟,啟華話見到宣萱個法官樣,即刻記起宣萱喺《壹號皇庭》造型,宣萱就提議不如開《壹號皇庭》第十輯,身邊嘅啟華都好想,仲話要翻生,因為佢喺劇中嘅角色已經死咗。宣萱話今次會同阿Mo、馬明有感情線,佢話同阿Mo以前演過情侶所以唔擔心,反而馬明年紀細佢一節,不過啟華話絕對無問題,望落去都唔似大過馬明。

蔡潔呢次同Bosco既關係終於升呢做一對夫妻,不過佢哋呢一對就唔係甜甜蜜蜜,因為個劇一開始就離婚,之後每次見面都會嗌交,話雖如此,蔡潔就話自己好期待,因為同好友Bosco演過好多關係,但係首次演情侶,加上兩個人不時會掟啲好笑嘢出嚟夾吓。而阿Moon呢次喺劇中同競徽嘅感情線,一樣都係充滿波折,不過演ICAC高級調查主任嘅陳瀅,就爆阿Moon劇中嘅造型火辣,因為當日試造型時,阿Moon喺更衣帳篷度聽到出面啲人講,阿Moon嚟咗,畀啲性感衫佢試。阿Moon解釋因為陳瀅要著製服,啲衫會密實啲,而佢就比較清涼少少,兩位靚女嘅話題,搞到身邊嘅羅字溢面靈尷尬話不如離開先,唔知點加入話題,不過佢就話自己劇中會有好多衫著。
 
近年主攻內地市場嘅競徽,已經好耐無同香港嘅觀眾見面,佢話今次劇中同林嘉華演父子,係一位受過高等教育嘅人物,另外同阿Moon就係情侶關係。早前啱啱經歷喪母之痛嘅敏之,呢日強忍傷痛如常開工,敏之話媽咪嘅離開好難可以短時間內安撫到心情。佢話媽咪而家喺天上會睇住佢有冇努力工作同生活,當講到媽咪好鍾意睇佢嘅劇集時,敏之就開始雙眼通紅,佢話媽咪好鍾意睇佢直播,係佢最忠實嘅粉絲。所以知道媽咪唔想睇到佢唔開心,所以好希望拍好呢部作品等天上嘅亡母可以睇到。

胡杏兒教三子搓湯圓一團和氣 譚俊彥馬國明各晒賀年全家福

中國人重視農曆新年,係一家人開心團聚嘅日子,不少藝人喺網上貼出全家福,包括林子祥、洪永城、袁偉豪、譚俊彥等,袁偉豪就貼出愛妻張寶兒同阿仔「袁咕碌」嘅合照,祝大家新年快樂,而一向孝順嘅譚俊彥(Shaun)就貼出三代同堂嘅賀年全家福,見狄龍精神奕奕,攬住寶貝孫仔,而新婚嘅馬國明同湯洛雯已準備派雙封利是。

新婚嘅馬國明同湯洛雯已準備派雙封利是。

林子祥祝大家最緊要身體健康。洪永城亦有貼全家福!
譚俊彥貼出三代同堂嘅賀年全家福。袁偉豪就貼出愛妻張寶兒同阿仔「袁咕碌」嘅合照。

視后胡杏兒就先幫阿仔準備咗中式唐裝,二仔李奕霖(Ryan)及細仔李奕宏(Liam)著同款螢光粉紅色衫,大兒子李奕霆(Brendan)身穿黃色中式唐裝外套,非常有型!由於杏兒老公李乘德係圍村客家人,李乘德亦有帶大仔跟隨新年習俗,回圍村拜神拜祠堂。
視后胡杏兒為阿仔準備咗中式唐裝。李乘德亦有帶大仔跟隨新年習俗,回圍村拜神拜祠堂。

杏兒就喺年三十晚,教三個阿仔整湯圓,任由Ryan發揮創意,而Brendan同Liam都有乖乖跟住搓湯圓,一家人食湯圓,象徵着一家團圓!
杏兒就喺年三十晚,教三個阿仔整湯圓,任由Ryan發揮創意。

 相關推薦

熱門搜尋