莊韻澄揭舊愛惡行直接帶女返屋企 「時間管理員」張致恒澄清冇向任何人求過婚

莊韻澄揭舊愛惡行直接帶女返屋企 「時間管理員」張致恒澄清冇向任何人求過婚

張致恆(Steven)老婆區燕雯(雯雯)婚後不時喺社交平台數臭老公惡行,更經常公審Steven力數其缺點一大籮,盛傳Steven一度靠借錢生活,搞到眾叛親離,Steven舊愛莊韻澄日前上節目揭Steven係「時間管理員」,唔只多次偷食,更被踢爆Steven直接帶女返屋企,稱Steven有求過婚,但係莊韻澄覺得對方靠唔住。

Steven舊愛莊韻澄日前上節目揭Steven係「時間管理員」。

莊韻澄喺節目透露每次拍拖均視對方為結婚對象,唯獨Steven完全靠唔住,又指Steven有求過婚,有感自己唔想做「離婚KOL」,大爆Steven同一時間跟唔同女人調情,趁莊韻澄唔喺屋企就會帶唔同女伴回家,仲話「攤晒出來,冇呃你」,令莊韻澄感到無言。

Steven今日喺社交平台忽然貼長文澄清自己冇向任何人求過婚。

Steven今日喺社交平台忽然貼長文澄清自己冇向任何人求過婚,又稱最遺憾就係連老婆都冇求婚,Steven認當年因為貪玩,令結婚本來係一件美好嘅事,最後搞到草草了事結咗婚就算,Steven又指「雖然大家睇落去呢一段婚姻好似好兒戲,我亦都有好多地方係做得唔好,令到老婆成日都嬲,所以呢件事一直都記咗喺心裏面」,更聲稱想早日解決所有財務危機,就擺酒同影婚紗相。

Steven又稱最遺憾就係連老婆都冇求婚,Steven認當年因為貪玩,搞到草草了事結咗婚就算。

Steven對老婆雯雯講對唔住,「一直以嚟要你承受我啲小朋友性格,三分鐘熱度、冇記性、貪玩、懶惰、嚴重拖延症」,Steven再次承諾繼續努力,為咗呢個屋企變得更加成功,所以「若果你真係有啲咩唔開心嘅話你就盡管喺IG擺出嚟」。

Steven唔介意老婆有啲咩唔開心嘅話喺IG擺出嚟。

查實雯雯早前難得冇嗌離婚,改喺IG留言大讚Steven變神隊友,6個人4個病仲要經歷最差完全冇錢開飯嘅情況,連BB發燒睇急症嘅錢都冇,BB喊足兩日冇停過,好彩最後睇到醫生,Steven陪BB排咗10個鐘睇醫生,主動分擔屋企家務,盡能力煮咗一個晚餐,「煲咗啲豬潤瘦肉湯畀我,對於我呢啲嚴重貧血要食鐵丸嘅人,的確係幫助到好多」,雯雯讚Steven呢3日有大轉變,未知係咪雯雯高調放閃而挑起債主紛紛向其追債,雯雯再次話「的確爭人錢係要還,如果我有我一定畀你,我已經攬咗條數,我最後$1000都已經畀咗你哋,BB啱啱先叫睇到醫生……我諗呢個世界冇人想過爭人錢嘅生活,我亦唔係要人同情或可憐,我連屋租都未交齊,奶粉、尿片、食飯,我今日都未諗掂。我只係想講,我有我一定畀你,我依家只有$60」,隨後雯雯又再次刪走留言。
雯雯高調放閃而挑起債主紛紛向其追債。

張致恒曾被傳借蔡卓妍錢講大話唔還 疑似錄音對話離奇曝光?

張致恒(Steven)近日同老婆雯雯開製作公司,先係被人公開追債,早前盛傳張致恒欠下不少圈中人錢,今日有報道指蔡卓妍(阿Sa)喺2022年於內地節目自揭被呃,曾有一位好友借錢不還,適逢TWINS最近開演唱會,經典歌曲及招牌側手翻,勾起集體回憶!網民近排「翻舊帳」疑將阿Sa口中嘅「好友」矛盾再次直指張致恒。
蔡卓妍喺2022年於內地節目自揭被呃,曾有一位好友借錢不還。

阿Sa當時喺節目《她的雙重奏》並冇開名,爆好友講大話借錢唔還,阿Sa表示:「有一個很好的朋友,他問我借錢就說一句他最近有點困難,然後二話不說我就去銀行,我就給他打款,後來我發現原來他在說謊,我就把他拉黑,但是你已經知道這個人不會還你錢,我就直接把他刪掉,我連錢都不要,太生氣了!」 網民隨即聯想到阿Sa曾公開割席嘅張致恒,於是一度湧去張致恒社交平台,留言替阿Sa追債。

網紅Sean噚日喺社交網疑貼出幾段疑似張致恒嘅錄音,重提呢件事,當中有一段疑似張致恒嘅錄音。

網紅Sean噚日喺社交網疑貼出幾段疑似張致恒嘅錄音,重提呢件事,當中有一段疑似張致恒嘅錄音,先係爆粗指「唉,我而家好X煩,因為阿Sa之前做咗個節目,喺上海做咗啲訪問節目,話有個朋友借咗佢錢,然後仲要拉黑咗,冇再聯絡。跟住啲人個個就話係我,然後衝晒過嚟係咁叫我還錢畀阿Sa,嗰啲咁嘅嘢,唉,我好頭痛呀呢兩日」,另一段錄音就係講自己被此事影響,又指阿Sa又冇開名,啲人又過晒嚟係咁話佢,搞到佢好頭痛,最後嗰段錄音又有一句係「我爭佢10萬呀」。錄音經剪輯未知當中講嘅10萬係唔係同阿Sa有關!?
適逢TWINS最近開演唱會,網民近排「翻舊帳」疑將阿Sa口中嘅「好友」矛盾再次直指張致恒。

 相關推薦

熱門搜尋