梁靜茹1月飛勻英法澳紐開騷 克服時差巴黎演出圓心願

梁靜茹1月飛勻英法澳紐開騷  克服時差巴黎演出圓心願

元旦喺杭州舉行跨年演唱會嘅 梁靜茹 一踏入2024年就已經先後到英、法、紐、澳舉行咗5場海外音樂會,短短一個月內就走勻南、北半球開騷,Fish就笑言:「我不是在唱歌的舞台上,就是在要去唱歌的飛機上。」

呢5場「情歌本格派」演出分別於倫敦、巴黎、墨爾本、悉尼同奧克蘭舉行。Fish由台北飛到倫敦,休息一日就喺溫布利體育館表演。相隔8年後再次踏上呢個舞台亦令佢非常感觸,而倫敦場一結束之後,佢就同大隊一早搭火車轉抵巴黎,一直希望可以喺巴黎舉辦音樂會嘅佢,此行亦終於圓夢。

梁靜茄今次巡迴演出,令佢一圓喺巴黎開騷嘅心願

雖然氣溫寒冷仲落雪,不過Fish亦抽空夜遊呢座浪漫都市,喺艾菲爾鐵塔同羅浮宮前瘋狂影相打卡:「享用法國的可頌麵包、踏著雪,手和腳都凍僵了,還是要到景點留戀拍照,喜歡用相機記錄自己看到的風景。」

巴黎演出之後佢就立即返到台北,把握僅得72小時休息時間同寶貝仔相聚,之後隨即啟程搭飛往南半球嘅澳洲,音樂會特別選擇以《寧夏》揭開序幕,熱情觀眾一開場就紛紛起身一齊舞動螢光棒,令Fish亦同樣熱情起嚟。

Fish短短一個月就走訪5個唔同城市開騷

今次巡迴Fish亦特別安排點歌環節,各場演出都表演咗多首歌單上未有安排嘅歌曲,其中喺奧克蘭站更清唱《夜夜夜夜》,仲獲全場觀眾一齊大合唱。飛足成個人嘅Fish呢場亦特別感動,忍唔住淚灑舞台嘅佢話:「這一個月不停地飛行、在不同城市演唱,每一首歌都顯得特別有感,在海外辦音樂會不容易,非常感謝團隊,每個人都克服自己的疲勞在時差中工作,非常辛苦,因為他們的付出,我才能到這麼多地方唱歌給大家聽,願我們都能繼續擁有愛的力量。」

佢將會稍事休息,3月再到唔同城市繼續巡迴

結束1月份「空姐」生活之後,Fish將稍作休息,而3月又會再展開澳門、新加坡、馬來西亞等地嘅演出。

圖片提供:天熹娛樂

澳洲2架波音客機碰撞 機上旅客拍下驚險一幕

澳洲航空兩架波音737-800飛機,昨晚在機場發生碰撞事故。一架來自首都坎培拉的客機,在低速接近登機口時,機翼尖端與另一架停在鄰近登機口的客機機翼尖端發生碰撞,機上乘客感受到一陣搖晃,這驚險一幕也被機上旅客拍攝下來。

澳洲媒體報導,事發在當地昨日晚上9時左右,這2架客機當時降落在伯斯機場,一架來自坎培拉、一架從布里斯本飛過來,但卻發生碰撞。碰撞事件發生當刻,來自布里斯本客機已進入乘客下機的程序,乘客與機組人員均感受到一陣顛簸,經過評估,機長建議乘客們繼續下機。

澳航事後透過聲明說明當時情況,並強調相關調查進行中,工程師事後有針對這2架波音737-800客機進行檢查。所幸的是,客機碰撞事件並未造成2架客機上的人員受傷。

 相關推薦

熱門搜尋