亞洲超星團丨第三次舞台公演 黃奕斌冼靖峰區珀豪文佐匡今開Live分享背後故事

偶像選秀節目《亞洲超星團》，今晚（3日）8點翡翠台播映，第11集係超星練習生第三次舞台公演，是次輪到超星導師朱正廷打頭陣表演，笠住斗篷出場嘅正廷大晒暗黑風演出《八音盒上的我》，脫去斗篷後即勁歌熱舞，掀起全場高潮！

今集輪到超星導師朱正廷打頭陣表演，大晒暗黑風格！「男朋友們」隊成員江信熹、寧浩然、黃昇大、金東彬、土方琉伊、汪穆清、譚思源「牛仔很忙」隊成員舒灝、譚奕天、鐘駿一、林士元、王坤

第三次舞台公演賽制係團隊搶擂戰，5支守擂隊伍率先上場，各隊守擂隊伍表演完後，現場觀眾會投票畀分，之後再到5支攻擂隊伍表演。今晚呢集守擂隊伍出場名單如下，演出《頭髮亂了》「男朋友們」隊，成員包括金東彬、江信熹、寧浩然、汪穆清、黃昇大、土方琉伊及譚思源，演出《La Song》「牛仔很忙」隊，成員包括王坤、林士元、譚奕天、鐘駿一及舒灝，演出《Good Boy Gone Bad》「GGBond」隊，成員包括奧利、王東晨、郭殿甲、林展爍及梁詩煜，演出《R&B All Night》「All Night」隊，成員包括艾克力亞、李權哲及李逸，演出《Cheetah》「禁忌獵豹」隊，成員包括陳鑫昊、尹俊嵐及愛合。

「GGBond」隊成員奧利、王東晨、林展爍、郭殿甲、梁詩煜Rain話佢哋可以直接出道。C君大嗌Encore。

五隊中以「GGBond」隊演出最為吸睛，五子以All black造型上陣非常型格。 演出甫開始，奧利從台上嘅鳥籠掙扎而出，之後化身扯線公仔被隊友舞來舞去， 戲劇感十足，再加上梁詩煜大晒後空翻及靚聲擔當王東晨飆高音，整個演出完成度十分高，難怪C君笑言太好睇要Encore，全場粉絲即大嗌Encore，場面震撼，Rain大讚呢隊可以出道，五個人自信感爆棚，非常好！

「All Night」隊成員艾克力亞、李逸、李權哲朱正廷就話艾克力亞揀錯歌。艾克力亞勁自責。

三大顏值擔當組成嘅「All Night」隊同樣值得留意，多才多藝嘅李逸喺台上彈鋼琴大晒甜美歌聲，配上艾克力亞及李權哲嘅雙人獨舞，C 君大讚帶嚟目前為止最好聽嘅演出，Rain同樣被李逸嘅演出所震懾，惟佢指李權哲及艾克力亞出現不少失誤，朱正廷直指身為隊長嘅艾克力亞選錯歌；至於最後上陣嘅「禁忌獵豹」隊，陳鑫昊、尹俊嵐與愛合喺台上大玩除衫變裝，加上三子大跳妖味十足嘅舞蹈，搶盡焦點！Rain讚三人演出讓人有啲吃驚，非常吸引，特別似性感吸血鬼。另外節目播出後，4 位香港代表黃奕斌（Hugo）、冼靖峰（Archie）、 區珀豪（Pako）及文佐匡（Sean）將合體喺今晚9點半於 myTV SUPER Instagram開Live，與粉絲分享三公舞台背後嘅故事，密切留意！

「禁忌獵豹」隊成員愛合、陳鑫昊、尹俊嵐文佐匡、冼靖峰、黃奕斌、區珀豪今晚9點半會喺myTV SUPER Instagram開Live同粉絲見面！

偶像選秀節目《亞洲超星團》周六晚8點翡翠台播映