再獲編劇家協會提名「最佳電影角色獎」 衛詩雅《不日成婚2》演出獲青睞

每年都會由全體會員一人一票選出兩個「年度推薦劇本獎」嘅 香港電影編劇家協會，自2018年起增設「年度最佳電影角色獎」，嘉許創造角色嘅編劇同演活角色嘅優秀演員。編劇家協會公佈2023年度嘅入圍名單， 衛詩雅 憑《不日成婚2》嘅「曾可怡」一角獲提名「最佳電影角色獎」更殺入最後五強，同 梁朝偉《金手指》、 黃子華《毒舌大狀》 黃梓樂《年少日記》 仲有 鍾雪瑩《填詞L》 一齊競逐 。

衛詩雅因為《不日成婚2》嘅演出再入圍今次大獎

18年已憑《獅子山上》首次入圍嘅Michelle，今次再次獲提名，直言係電影團隊嘅功勞：「好感激香港電影編劇家協會鼓勵，角色獲得提名絕對係團隊嘅功勞。奇妙嘅係今次參演過程中，我同『曾可怡』共同成長，某程度上佢甚至改變咗衛詩雅。」

Michelle仲指「曾可怡」一角係團隊功勞，甚至亦改變咗自己

Michelle又坦言獲提名已經係獲得肯定：「作為演員，可以成為編劇同觀眾之間嘅橋樑，將角色呈現成為一個有血有肉嘅人，仲得到大家喜歡同共鳴。我好幸運，非常感恩！我會繼續努力，希望不負各位支持。」

Michelle今次已經係第2度入圍呢個獎項