飯戲攻心2｜預告新春謝票狂派利是 明禎旗袍戰衣現身拜年

仲有一個星期就過年，賀歲片嘅宣傳亦都正式起動喇，呢日《飯戲攻心2》嘅演員 張繼聰 鄧麗欣 王菀之 林明禎 同 陳湛文 等就同一班影迷見面，仲話已經安排好新春期間瘋狂謝票，又會突入唔同場次帶驚喜俾大家咁話。不過呢日歌手出身嘅佢，就率先現場為大家跳返隻舞唱唱歌先喇。

佢哋呢日仲話入場會向觀眾派利是，不過一樣歡迎大家向佢哋派利是咁話。近年票房一好，演員都會被視為要向觀眾派福利，不過呢日兩位女士一個太極推手推向男士之後，兩位男士又蠹將責任射向老闆，仲話希望票房超越上一集呀。

林明禎呢日就提到正準備旗袍作為謝票戰衣，佢仲話家人新春期間都會齊集香港陪佢過年，家姐同細佬仲會一齊上陣謝票呀。