JW飲品店新鋪開張 《痞子》拍檔現身嘉洛遲到咁補數

王灝兒 有份投資嘅飲品店近日再開新店，呢日生招牌 JW 就邀請咗一班好朋友好似 馬天佑 羅天宇 江若琳 一家等一齊支持，呢日Elaine同老公 蕭唯展 仲帶埋1歲未夠，非常可愛嘅囝囝現身，Elaine仲大讚BB非常乖又好湊呀。

呢日 陳瀅 同 周嘉洛 亦都有現身，可惜另一位《痞子》拍檔 朱敏瀚 就因病缺席唔齊腳，Jinny同嘉洛仲因為去錯另一分店搞錯晒，最後遲到嘅嘉洛仲要用呢個方法賠罪呀。同其他股東總共投資7位數嘅JW又話，除咗會繼續擴展香港嘅事業版圖之外，稍後仲會衝出國際，喺英國、馬來西亞、泰國同菲律賓等地亦會大展拳腳咁話呀。