女團Me&拍新年宣傳片發揮舞技 譚旻萱聞黃淑蔓屋企新春習俗恨參與

新晉女團Me&以跳唱打響旗號，黃淑蔓（Feanna）、連家穎（Vian）及譚旻萱（Mandy）近日應邀拍攝新年主題宣傳片，落力發揮舞技，以健康活力形象示人。

黃淑蔓透露佢哋拍咗好多小劇場，過程非常好玩，佢哋更改咗《Eye to Eye》編舞加入好多花花元素，又指得兩日時間排練，心情有啲緊張；除咗忙於女團工作外，三人亦有不同發展，譚旻萱又要拍戲又要唱歌，嚟緊農曆年要喺工作中度過，譚旻萱一啲怨言都冇。

黃淑蔓透露屋企傳統係一家人喺年三十晚聚埋一齊，煮餃子時會放一粒開心果喺裡面，邊個食到就代表今年順利，黃淑蔓開心指自己年年都食到。