鄭啟泰猝逝|DJ鄭啟泰猝逝終年56歲

鄭啟泰猝逝|DJ鄭啟泰猝逝終年56歲

尚有10日就生日;日前先應邀重返電店開咪,同時又宣佈求婚成功嘅 鄭啟泰 2月3號突然傳出死訊,事件震驚外界,電台亦已發聲明證實消息。

鄭啟泰尚有10日就生日,可惜突然撒手人寰日前鄭啟泰應邀重返新城電台擔任主持,當日更親自買玫瑰贈與公司女同事慶祝,又宣佈與同居女友好事近,已求婚成功。新城聲明指,鄭啟泰昨晚出現肚屙、腳抽筋等症狀,今晨被送往律敦治醫院,被安排入住深切治療部後陷入昏迷狀態,父母、家人、同事、朋友、舊同學一直陪伴在側,可惜延醫至今日黃昏時分離世,終年56歲。

新城電台代家人發佈鄭啟泰死訊同經過

日前先重返電台嘅佢今晨被送往醫院後陷入昏迷,黃昏時份離世
鄭啟泰 於加拿大大學畢業後返港,先後加入電台同電視台擔任主持,多年來曾多次為香港電影金像獎報幕。

有外號鄭鬼怪嘅佢本應雙喜臨門,日前公開宣佈已向女友求婚成功

鄭啟泰早年曾與 黎海珊 結婚,可惜婚姻維持續5年後兩人決定分手,直至近年與速度滾軸溜冰港隊前代表王雁芝好事近,可惜突然傳出噩耗。

鄭啟泰日前先宣佈求婚成功,豈料突然離世與未婚妻陰陽相隔

河國榮離世|熱愛80年代香港文化棄醫來港 河國榮月前喪妻突寓所輕生

1987年因為熱愛香港流行文化而決心來港嘅資深演員 河國榮 ,2月2號晚間被家人發現倒臥於西貢寓所,救援人員趕至發現其以身亡。

原籍澳洲嘅 河國榮 當年因為一位留學生介紹之後迷上香港流行文化,唔止曾使用「詠麟」、「國榮」等中文名,更曾為到當地演唱嘅譚校長同哥哥擔任司機。後來放棄正修讀嘅醫科學位來港,亦以姓氏River改成中文「河」,沿用偶像哥哥嘅名字國榮為名。

因緣際會下正式加入TVB投身演藝事業嘅佢,曾參演過大量電視劇同電影演出,唔少都曾扮演外籍紀律部隊高級人員,被外界稱為「御用鬼佬」。佢更曾為國際知名嘅 周潤發 擔任英語老師。

河國榮初來港時擔任英文老師,與學生Bonnie拍拖僅8個月,就因為簽證問題匆匆結婚,兩口子相交30多年,亦因太太身體原因,兩人一直未有生育,將愛意轉寄流浪犬,多年來拯救大批流離失所毛孩。

年前河國榮右耳患有基底細胞癌,醫藥費加上生活費捉襟見肘,幸獲朋友邀請擔任代言人一解困境。一直希望以歌手身份出道嘅佢,亦曾舉行音樂會紀念來港周年。

近年河國榮不時於網上分享種植樂趣,家中花園經常成為拍攝背景,據指佢深愛嘅太太月前離世,自始河國榮就甚少更新社交平台,豈料即將過年期間傳出令人扼腕嘅難過消息。

 相關推薦

熱門搜尋