家燕姐全家總動員封利是派喜氣 新年戒口修身登台性感衫被禁

家燕姐全家總動員封利是派喜氣 新年戒口修身登台性感衫被禁

早前同馬來西亞國寶級天后 茜拉 推出賀年歌嘅 薛家燕,喜慶賀年氣氛滿瀉嘅歌曲大受歡迎,網上點擊率早已破百萬。而其中祝福大家想乜都有嘅「有有舞」亦掀起熱潮,仲連家燕姐年僅2歲半嘅孫仔亦學嫲嫲跟住跳。

呢日家燕姐現身一個賀年活動,更為推廣「有有舞」現場舉辦跳舞比賽,十強喺台上渾身解數搏家燕姐「點燈」,有人做一字馬、有人派心心,勝出者更獲得大年初八喺澳門舉行嘅《金龍迎福新春演唱會》門票。

家燕姐呢日為一班跳有有舞嘅參賽者打氣同任評判

家燕姐大讚參賽者表現落力,最後皆大歡喜齊齊獲佢送贈演唱會門票,佢又親自向途人派福袋。近日忙於為新春群星演唱會綵排嘅佢,又提到有小妹妹同婆婆齊齊參加比賽:「佢真係同我孫仔一樣好有天份,我孫仔睇咗幾次《有有有》就識跳,我已經約定新抱,等佢三歲就嚟家燕媽媽藝術中心,等啲老師好好栽培佢。」

新年將舉行演唱會嘅佢,指傳統一定要跟足,利是亦會狂派

今年農曆新年家燕姐工作不斷,未能同家人外遊,雖然未能放假,不過家燕姐就話過年功夫一樣要做足,團年飯會同家人共聚,仲要狂封利是:「今年要乜都有,所以利是呢啲梗係要有,我已經準備好晒,個個都話收咗我利是全年都好運。以往封利是要兩個工人幫手,今年應該要成家人齊齊封。我好樂意將啲福氣分享畀大家,總之人人開心,家燕姐就開心。」

佢仲話希望將福氣同大家分享呀

家燕姐又笑言唔敢叫孫仔幫手:「我驚佢封完自己拎埋,佢最叻就係恭喜發財𢭃利是。」至於年初八舉行嘅新春群星演唱會,家燕姐仲爆原本有性感造型:「都開到好低㗎,不過我個女話太性感,我咪叫設計師幫我拉返高啲。我無咩所謂,呢個年紀都着到,大家又睇得開心就得,不過阿女就話唔好。」近日正努力修身嘅佢,今年唔止要忍口準備,要封嘴唔食年糕更要戒飯:「我覺得會瘦到,到時等大家見到肥家燕,唔係,係靚家燕先啱。」

亞洲超星團丨李權哲擁670萬粉絲成人氣王 張鎬濂堪稱完美Package

《亞洲超星團》成團之夜總決賽將於3月9日(星期六)晚假澳門銀河綜藝館隆重舉行,晉級總決賽嘅18位超星練習生將於決賽夜接受唔同考驗,爭取最終9個出道名額,晉級總決賽嘅18位超星練習生,分別(根據第三輪公演助力排名)係江信熹、李權哲、黃奕斌、奧利、尹俊嵐、陳梁、冼靖峰、趙天翼、梁詩煜、張鎬濂、陳鑫昊、白子奕、金東彬、黃輝雄、張殿甲、文佐匡、譚奕天同林士元。綜觀上述名單,單論微博粉絲人數,人氣最高頭三甲分別係李權哲、張鎬濂同郭殿甲。
《亞洲超星團》成團之夜總決賽將於3月9日舉行。
李權哲微博粉絲人數高達670.1萬,堪稱《超星團》中的人氣王!現年23歲嘅李權哲喺2018年曾參加內地綜藝節目《偶像練習生》,最終排名23名,及後以男團NEXT成員身份正式出道,喺隊內擔任領唱,而其中一位隊友更係內地女星范冰冰胞弟范丞丞。樣子精緻嘅李權哲冧粉絲有一手,不時上載自拍照「報到」,非常識做。
李權哲
排名第二嘅係微博粉絲數量達122.9萬的張鎬濂,23歲嘅鎬濂係莫少聰同洪欣兒子,鎬濂遺傳咗父母優良基因,樣子清秀加上擁188cm身高,堪稱完美Package!主力喺內地發展嘅鎬濂,2019年透過參加選秀節目《以團之名》以男團身份出道,同年7月以港澳台第一成績入讀上海戲劇學院,係一名學霸。
張鎬濂
第三位就係微博粉絲數量達109.8萬嘅郭殿甲,19歲嘅佢雖然年紀輕輕,但演出經驗相當豐富,12歲時曾加入成員年齡只有10-13歲嘅非限定男子組合YHBOYS,以擁有模特兒般完美比例和迷人笑容見稱,更被喻為貼心小暖男。2022年,郭殿甲加入六人男子組合BOYHOOD,喺隊內係領舞擔當。
郭殿甲
《亞洲超星團》成團之夜總決賽 3月9日 20:00 翡翠台將現場轉播,密切留意!TVB綜藝專頁(Facebook及Instagram)2月29日起舉行送決賽門票活動,並將合計選出20位得獎者、每位得獎者可獲得兩張入場門票,相關活動將於2024年3月5日 23:59 截止,並於6號公布得獎名單,萬勿錯過。

 相關推薦

熱門搜尋