2024風生水起丨吳若希被指命格多是非 馮盈盈求增強文昌運

薛家燕、陳懿德、許文軒及徐文浩主持嘅風水賀年節目《2024風生水起》，5 號晚播出一集請嚟吳若希Jinny 擔任嘉賓，麥玲玲指Jinny八字命格多衝擊，同任何人結婚都一樣會磨擦多，佢叮囑Jinny搵屋要謹慎：「唔好揀鬧交嘅屋，或擺設上多衝擊。你本身命格是非多，躺著也中槍，小就是非，大就官非。」
吳若希被指命格是非多。
玲玲師傅先指屋內唔好放太多公仔，容易招惹是非，同時要留意主人房廁所係咪沖睡床，橫沖影響健康，直沖則影響夫妻感情。玲玲師傅又提醒留意廚房佈局，不宜太多反光物料，折射灶頭容易出現三角關係，佢教Jinny將女兒書枱移向西北文昌位，並擺放一種植物可增強子女讀書運。
麥玲玲指Jinny八字命格多衝擊，同任何人結婚都一樣會磨擦多。
12號大年初三賽馬日當然要入馬場催旺財運，「龍年帶富碧人來」碧霞老師將公開當日幸運號碼同顏色。而「春『關』心你」環節，楚淇師傅大談保良局祭祀關帝及燒黃紙習俗。「區區行大運」丞丞師傅帶大家遊荃灣，指荃灣有利化妝品及飲食業，一眾主持更齊齊掃街食好西。「元來家家有天機」元海師傅講解年廿八洗邋遢禁忌，屬羊嘅朋友竟不宜當日大掃除！

FYY上嚟求學業運。
6號晚播出一集「龍年開運搵師傅」，邀嚟馮盈盈擔任嘉賓，去年重返校園修讀食品產業管理市場營銷碩士課程嘅盈盈，難得以學生身份現身，當然捉住玲玲師傅請教增強文昌運妙法。盈盈表示上學期成績奪得 A-，希望下學期可以奪得 A+，望以一級榮譽成績畢業。玲玲師傅指讀書運觀額頭和耳朵，盈盈額頭飽滿明亮、耳朵亦輪廓分明，絕對係學霸一名。佢又指盈盈屬狗雖然沖太歲，但藝人犯太歲反而機會多，建議盈盈今年多現身幕前有助名氣提升。講到桃花運，盈盈揚言唔想拍拖，玲玲師傅聞言即突破盲點：「咁一定係受咗情傷！」引發眾人嘩聲四起。
眾主持一齊落區。
元海師傅喺「元來家家有天機」環節，指家居北方見到水財運較佳，「 春『關』心你」楚淇師傅教從事會計、商人催旺財運妙法！丞丞師傅喺「區區行大運」會帶大家遊屯門，指屯門區正財甚佳，有利營商。「龍年帶富碧人來」碧霞老師會講解「一白桃花」、「七赤破軍星」、「四綠文昌」今年飛臨嘅方向，想知道去邊旅行有利人際關係同桃花運、邊個國留學有利讀書考試，就要留意《2024 風生水起》。

《2024風生水起》 第四至第七集 2月5至8號 22:30 翡翠台
                               第八集 2月11號 年初二 22:00  翡翠台