強調趙震雄係大男主 金喜愛演高IQ顧問凍齡有術

韓國凍齡女神 金喜愛 經已56歲，但係歲月依然冇喺佢面上留低半點痕跡，最近愛姐同趙震雄等拍檔現身宣傳賀歲新戲《DeadMan》，記者朋友對愛姐三十年如一日嘅好身材狂影閃光燈閃個不停，雖然得傳媒喜愛，但係愛姐都好識做，再強調呢部戲大主角係趙震雄，仲大讚對方演出從頭帶到尾，係全戲嘅亮點。

趙震雄喺戲中飾演位高但沒有實權，韓國稱為「褲子社長」嘅角色，為咗洗脫自己貪污罪名，假死找出真正犯人，題材相當少見同獨特。

而金喜愛飾演一位高智商掌握政壇嘅女顧問﹐雖然文戲居多，但係趙震雄爆導演超愛漢江景色，所以就算天寒地凍都安排金喜愛同李秀敬喺漢江大橋上拍攝，見到兩位女士不停食風，趙震雄都好擔心但係又愛莫難助，只能停機時頻頻幫拍檔蓋衣保暖。

另外電影亦有少女時代嘅秀英作特別演出，金喜愛亦大爆秀英嘅神秘角色係咩﹐會演一個愛追潮流嘅女生，仲大讚對方歌又唱得好，戲又演得好，簡真係完美。