美斯訪港丨本地明星群起追星 嘉玲偉仔馬明靚湯齊入場

美斯訪港丨本地明星群起追星 嘉玲偉仔馬明靚湯齊入場

近日因為碧咸同美斯到訪香港,令到一眾明星名人都變成迷妹迷弟。碧咸3號晚出席酒會時,就有唔少圈中人上前影合照同要求簽名,當中包括上月奪得最佳女配角嘅高海寧。
高海寧追星成功,同萬人迷碧咸合照。
高ling喺社交平台post出同碧咸嘅合照,另外仲有一件由碧咸親筆簽名嘅T-Shirt,高ling喺帖文上表示:「Hi Mr. Beckham ☺️ 朋友還拿到簽名了😍羨慕~ 拍照就當是我自己的了hahaha」雖然未能夠拎到碧咸嘅親筆簽名T-Shirt,但係一張同對方嘅合照,都已經夠人羨慕妒忌喇!
仲有簽名T-Shirt!
而4號碧咸以班主身份,率領美職球隊國際邁亞密出席香港隊合演表演賽,吸引得梁朝偉、劉嘉玲、上山詩鈉、馬國明、湯洛雯、陳智燊等到場欣賞,不過因為呢日美斯無落場嘅關係,令現場球迷相當不滿,當碧咸致詞時更加係噓聲不絕,亦有唔少球迷要求回水。高Ling 4號喺社交平台post出去欣賞表演賽嘅相,並喺帖文內表示:「Messi無落場 Sarah hold足全場 Good Job👍👍👍」而湯洛雯就抵死咁喺下面留言:「我要返去睇少林足球balance下😌」

嘉玲post出與偉仔、碧咸嘅合照。兩位型男成為亮眼嘅風景線!

身為大會司儀嘅Sarah hold足全場。高海寧同馬國明、湯洛雯一齊入場朝聖。

湯洛雯親手整蛋糕賀老公50歲生日 馬國明賣口乖曬甜蜜合照

馬國明與湯洛雯(靚湯)去年喺蘇梅島舉行婚禮,新婚燕爾,老婆靚湯亦好有儀式感,前日2月13號係馬國明50歲生日,適逢噚日係情人節,一臉幸福嘅靚湯喺社交平台貼出一條教整蛋糕嘅影片,透露為咗慶祝老公生日兼情人節,由於時間太緊迫,所以佢簡單呢個愛心蛋糕,笑指物輕情義重,希望老公馬明笑納。
前日2月13號係馬國明50歲生日,適逢噚日係情人節,一臉幸福嘅靚湯喺社交平台貼出一條教整蛋糕嘅影片。

靚湯喺社交平台上載影片冇耐,馬明隨即回覆「鍾意」大曬恩愛,影片中見靚湯雖然話好耐冇整過蛋糕,見佢全程整得有板有眼,更細心喺蛋糕上插「Love」嘅裝飾,二人更甜蜜合照,馬明婚後首個生日過得咁開心,就知靚湯絕對係好老婆。
湯洛雯同馬國明情侶裝拜年放閃,首次以夫妻身份派利是特別印利是。

馬明與靚湯愛巢位於將軍澳,見佢哋屋企有個超大廚房,俾靚湯大顯身手,雖然靚湯早年上無綫綜藝節目《美女廚房》,湯洛雯煮湯有洗潔精味,令一眾評判不吐不快,之不過成為人妻嘅靚湯,相信廚藝有所精進,馬明必定大飽口福。
馬國明同靚湯去年12月在蘇梅島完婚,全城為一對新人送上祝福!

靚湯湯洛雯曾煮嘅湯,令眾人不吐不快!

 相關推薦

熱門搜尋