歌手輪流「唱跳夜尖咀」 蕭秉治收驚喜蛋糕胡鴻鈞壓軸出場

歌手輪流「唱跳夜尖咀」 蕭秉治收驚喜蛋糕胡鴻鈞壓軸出場

胡鴻鈞、限定組合GX 嘅 鼓鼓 呂思緯 同 蕭秉治 陳浚霆 張馳豪 安俊豪 梁樂童 蘇家欣 康志維 同 新晉女子組合  SPIRAL 呢日參與《唱跳「夜」尖咀》音樂活動。

新晉金子組合SPIRAL以勁歌熱舞拉開表演序幕安俊豪同師妹蘇家欣呢日亦參與演出

表演出由黃昏開始, 四人女子組合SPIRAL打頭陣跳唱最新派台歌Not Bad掀起演出序幕,之後 安俊豪 加上同門師妹蘇家欣亦為大家表演多首精彩歌曲。風少陳浚霆則為大家獻唱《愛」.回家》新片尾曲《大個之後》。又喺旅港瑞士籍busking歌手 Andy Schaub 木結他伴奏下合唱《星晴》,風少話:「今次參與《唱跳「夜」尖咀》心情好緊張又很興奮,好難得有機會同大家喺尖沙咀一齊busking 。而《大個之後》成為片尾曲後反應亦好好,仲問我幾時會正式推出同想睇到MV。」;Aska張馳豪呢晚就以木結他自彈自唱《I Am Yours》。

風少呢日同瑞士籍歌手Andy Schaub合作演出

鼓鼓呂思緯同蕭秉治之以限定二人組合GX姿態參與,一出場就就先唱出《射手》同《Baby Girl》,之後鼓鼓再分別唱出《為愛而愛》同《當愛變成我們》,蕭秉治緊接獻唱《外人》同《我還是愛著你》,然後合體表演《認愛》之後,工作人員突然遞上歌迷預祝秉治9號生日嘅蛋糕,令佢非常感動。

鼓鼓同蕭秉治組成嘅限定組合GX大受歌迷歡迎

壓軸出場嘅胡鴻鈞一現身就先帶來一曲《祝君好》,隨即加上加盟新唱片公司後嘅新歌《Give Me A Chance》同《Silence》 ,最後以一曲《凡人不懂愛》為呢晚演出劃上句號。

Hubert呢晚壓軸出場,仲指今年將有更多時間留港

去年主力於內地發展嘅佢,透露今年因拍劇會有較多時間留港,正拍攝新劇《執法者們》嘅佢,將扮演黃宗澤嘅線人。佢又提到今年有計劃於香港開騷。日前親身到酒店追球王美斯嘅佢,呢日又話:「好難得球王嚟香港,雖然冇合照同拿唔到簽名,不過可以親眼見到佢已經心滿意祝喇。」

胡鴻鈞返港帶加熱煙被截 事發後首露面回應事件

日前由內地工作返港嘅 胡鴻鈞 於高鐵站入境時被海關發現㩗帶約百支加熱煙彈,事後Hubert指係幫朋友帶返港,對自己唔熟悉法例下犯錯而非常抱歉。

事隔多日之後,Hubert首次於公開活動演出,亦正式接受傳媒訪問講述事發經過同心情。

呢日Hubert會見傳媒時先公開道歉,又對自己令公眾失望稱願意負擔所有責任,更稱往後會更加小心,亦會再留意同熟悉法例,今次事件所有責任全在自己。

佢又提到事發後曾受到公司訓話,而外界對自己嘅失望目前已係最大懲罰。事件後目前暫未收到相關部門任何通知嘅佢,暫時未知工作有否受事件影響,而就算工作有異動自己亦絕對接受。

 相關推薦

熱門搜尋