顏志恒有望今年推出首支個人單曲 鮑聖光重新活躍街頭Busking

顏志恒呢日同鮑聖光、李泇霖化身期間限定三人組，為喺商場舉行嘅四場《中年好聲音 - 新春演唱盛典》揭開序幕。
顏志恒、鮑聖光、李泇霖為《中年好聲音 - 新春演唱盛典》揭開序幕。
佢哋3個喺短短兩個鐘入面，由70年代唱到現代，演繹咗接近20首歌。足足橫跨50年！曾經活躍喺街頭演出嘅包大人，表示自己最近活躍返做Busking，佢仲話如果有緣嘅，大家可以喺不同角落聽到佢嘅歌聲！而顏志恒亦分享一個好消息，佢話自己嘅首支個人單曲有望喺今年內誕生，現場fans聽後相當興奮。
 包包話自己最近做返busking。
呢次演唱會加入互動環節，大會會向觀眾發問有趣問題並送上商場嘅限量版利是封，而其中一條問題就係問身為大廚嘅顏志恒，最拿手係咩菜色？點知答案竟然係佢成日煮畀囝囝食嘅「蟹柳腸仔公仔麵」，果然係廿四孝爸爸呀！之後顏志恒又將觀眾送畀佢嘅鮮花借花敬佛，轉贈畀同喺現場嘅老婆，sweet到爆！
 李泇霖呢日獻唱咗唔少金曲。
至於下一場《中年好聲音 - 新春演唱盛典》將會喺2月18號 年初九 舉行，屆時將會有林鉫徫、何博文、羅金榮為觀眾演出。
顏志恒將fans送上嘅鮮花借花獻佛送畀太太。