釗峰四部曲最終章MV面世 與郭爾君不同時空談戀愛

梁釗峰 籌備一年「遺憾四部曲」嘅最終章《遺憾與 遺憾的一切》MV日前上架，雖然係企劃最終章，不過MV就係四部曲當中最早拍攝，早喺推出《已......(3235)》、《愛情難以許可我們回到當初(1717)》同《逆時針的古董錶(5046)》MV中，都會見到新歌MV嘅零碎片段。

釗峰嘅「遺憾四部曲」最終章正式推出
四部曲睇落似係四段感情同關係，但實情係代表釗峰同女主角Alma喺不同時空嘅愛情故事。今次故事重返到兩位「遺憾整理師」釗峰同 郭爾君 （Alma）的身上，經歷各種感情遺憾事後，佢哋終於學懂珍惜彼此，而兩人嘅關係亦正式揭盅。MV中釗峰同Alma身處於「愛情遺憾倉庫」，倉庫擺滿過百個色彩繽紛嘅「遺憾包裹」，包裹顏色深淺有住唔同含意，褪色嘅代表已經被淡忘嘅愛情。而包裹中嘅手寫信仲包含MV導演嘅真跡，每件展品嘅細緻度都令釗峰同Alma讚歎不已。

新MV其實係四部曲當中最先拍攝

釗峰話：「極度精美、鬼斧神工，好多謝張蚊（著名電影美術指導）團隊。」Alma就話：「喺片場成日講『魔鬼就喺細節度』，佢哋連玫瑰花上面嘅灰塵，甩咗一塊要點Fix，都有諗清楚。」釗峰希望透過今次「遺憾與遺憾之間的一切」企劃令讓樂迷明白，人無法逆轉遺憾，最重要係從當中學到珍惜，仲話：「我哋只能從遺憾當中學習同經歷，呢啲先係最寶貴。再返去當下，你自然就懂得用咩方式去愛惜身邊嘅人，希望大家懂得擁抱同珍惜當下。」

釗峰希望大家珍惜當下，因為遺憾於生活中難以後逆轉