中年好聲音2｜14強定案《聲夢》加入助戰 參加者吸眼球Youtube爆點撃

已經成為大家庭嘅《中年好聲音2》呢日公佈14強名單，同時又為18號踏入70大壽嘅 肥媽 預祝生日，原來《中聲》嘅朋友一早已經為佢驚喜賀壽，令佢非常高興，而肥媽新年期間就會身處美國登台，仲會同家人一齊慶祝呀。

唔止肥媽生日要慶賀，就連參加者 安雅希 呢日都一樣高興，因為佢演出嘅片段成為 TVB綜藝 嘅Youtube頻道最高播放影片頭3名， 劉可 顏米羔 譚輝智 嘅演出亦一樣榜上有名，佢哋就話要多得屋企人支持喇。

繼早前《中聲》 現身助陣比賽之後，《聲夢》嘅兩代成員稍後亦會參戰， 冼靖峰 同 文凱婷 呢日亦都現身，Aeren仲身負幫媽咪問安雅希攞簽名嘅重大任務呀。至於Archie正身處《亞洲超星團》激鬥之中，但係一樣有留意比賽，仲話佢哋演出非常吸引呀。

不慎爆出舊同事 梁榮忠 已婚嘅 周國豐 呢日亦都再次解釋當日來龍去脈，原來消息源自港台舊同事，呢日佢就話要請忠仔體諒咁話喇。