城城內地跑場宣傳驚現不適情況 盼原班人馬拍更瘋狂新作

城城內地跑場宣傳驚現不適情況 盼原班人馬拍更瘋狂新作

郭富城 任賢齊 林家棟 張可頤 同 胡定欣 等主演嘅新片呢日舉行首映禮,早前佢哋仲接連到唔同城市跑場宣傳,但係其中一站就見到城城精神麻麻,落樓梯時仲由家棟出手攙扶,呢日城城就親自為當日狀況解畫,雖然城城力指自己冇大礙,不過就被家棟踢爆喇。

家棟話城城由拍攝開始從未試過好似當日咁遊醜難以集中,加上聲都變埋,所以就發現佢唔太妥喇。而城城就話一完成演唱會演出瞓得3個鐘就出發宣傳,短短4日就走足3個唔同城市,休息不足下出問題,仲話拍戲都冇咁樣走場咁辛苦呀。

大家齊齊走埠,無非都係希望作品可以吸引大家欣賞,今次呢部新作就令城城非常滿意,因為今次撻著咗自己嘅喜劇細胞,希望可以再同各位拍檔合作另一部瘋狂喜劇咁話。

當年拍《黑社會》被家棟打到一頭都係血嘅 林雪 就笑言今次終於可以報仇,「東莞他」仲話自己唔記仇,不過就好好記性,所以下次再合作就一定會加倍招呼返呢位老友喇。

至於定欣同 鮑喜靜 扮演嘅呢對婆媳關係就唔好和諧,但係定欣就話演出非常有趣喇。而父子檔上陣嘅 姜大䘙 同 姜卓文 首次拍住上演出電影,大細John就似乎對呢次經驗覺得非常有趣喇。

有片︱賀歲鉅獻《臨時劫案》口碑極佳 杜琪峯大讚:本年度最好睇賀歲片

由爾冬陞監製、麥啟光執導兼編劇、陳偉斌編劇,郭富城、林家棟、任賢齊及張可頤領銜主演的賀歲電影《臨時劫案》,上映一星期多,獲不少影評人及圈內外觀眾激讚,除故事笑中有淚、「講多謝」同「Sorry 」不自然被洗腦外,戲中每個角色鮮明突出,是香港底下層縮影。加上全片香港不同地方拍攝,是久違了的香港特色電影,就連殿堂級導演杜琪峯亦拍片大讚《臨時劫案》是本年度最好睇的香港賀歲片!
 
《臨時劫案》的導演兼編劇麥啟光,在杜琪峯多部電影中擔任過執行導演,作品包括《奪命金》、《毒戰》和《盲探》,作品均有高水準,有不少影評、觀眾形容《臨時劫案》甚有銀河映像風格,不少地方是向杜琪峯致敬,好像故事以三個廢中窮途末路,被逼上梁山一齊打劫的荒謬喜劇,拍出了銀河映像的宿命論;還有電影中一段兩袋錢不翼而飛的「錯摸」情節,亦是銀河映像特色。
 
銀河映像的揸fit人又出名對團隊嚴格的杜琪峯導演,日前為《臨時劫案》捧場,事後特別拍短片,給予幾位徒弟評價,杜琪峯說:「啱啱睇咗麥啟光、阿斌(陳偉斌)、阿澄(萬芫澄),三個人搞嘅片,我覺得算係咁啦⋯⋯要討論就好多地方嘅!但最少一樣嘢係,本年度香港賀歲片,我諗呢部算係最好睇。」
 
另外《臨時劫案》中飾演「笠水」的家棟與老死「冇用輝」小齊一場對手戲,劇情交代二人同被綑綁雙手雙腳,被困在的士又黑又擠迫的車尾廂中,二人咫尺距離,家棟仲要伸手猛摷小齊的褲袋尋找手機求救,小齊回想:「車廂好細,逼到大家嘅呼吸都感覺到,導演仲想有我哋有曖昧感,要我用口幫家棟撕走黐係口嘅大力膠布,同家棟口水都交換到,佢隻手又亂摷,我忍唔住叫咗吓唔好,拍完一晚感覺全身都散晒。」


 相關推薦

熱門搜尋