朱千雪陀B改心急性格 周身刀忙不停期待新年假期

朱千雪 近年轉型成為Law霸女神，更加即將再升呢做媽媽，呢日陀住6個月孕肚現身活動嘅佢，雖然仲貪靚著住高踭鞋現身，不過亦明言老公已經不時開口鬧，要一向心急嘅佢小心同調整心態，要多加注意咁喇。

呢日Tracy擔任剪綵嘉賓之餘，仲要兼顧其他工作，無論法律工作、大學教學同公開活動都繼續頻頻參與，Master Chu呢個Super Mum真係不得了，咁忙之下就難得話非常期待新年假期可以好好休息喇。

已經懷孕好幾個月嘅佢，亦一直有向其他姊妹請益心得，呢日仲話唔懶得，陀住小朋友都要繼續Keep住保養自己咁話呀。