尹光澳門幫襯女僕Cafe學魔法咒語 為演唱會宣傳行程奔波勞碌

尹光日前赴澳門為即將喺2月17號舉行嘅演唱會做宣傳， 並喺兩日內為多個頻道拍攝訪問，行程非常奔波勞碌卻充實，光B一向精力充沛，連跑多場都未見疲態， 其中一組宣傳片更與澳門知名網媒合作， 以尹光經典歌曲「少理阿爸」MV做二次創作，連工作人員及街坊都忍唔住捧腹大笑。

尹光日前赴澳門為即將喺2月17號舉行嘅演唱會做宣傳。

現場所見成員真係唔使睇歌詞就完整唱到，接住拍攝尹光幫襯澳門女僕Cafe， 光B原來喺日本去過女僕Cafe，當時抱住去見識吓嘅心態，感覺幾有趣，當日光B與一班澳門網紅玩得不亦樂乎， 由女僕帶引下，唸出各種女僕Cafe「魔法咒語」， 品嚐各種五顏六色嘅飲品， 由澳門KOL假扮成女僕， 為尹光服務， 最後一刻先揭穿其男兒身份，光B笑言知道呢個女僕係男人後真係啼笑皆非。 尹光近日積極為演唱會作準備， 保證以十足水準演出， 演唱會當日為年初八， 新年氣氛濃厚， 因此本次演出以喜慶、熱鬧為主，大家看過後一定開開心心、鴻運當頭。
光B原來喺日本去過女僕Cafe，當時抱住去見識吓嘅心態。光B笑言知道呢個女僕係男人後真係啼笑皆非。