鄭啟泰猝逝｜新城播紀念特輯緬懷 拍檔麥皓兒淚灑現場

資深DJ 鄭啟泰 日前突然離世，佢任職逾25年嘅 新城電台 特別製作《怪你過份美麗 紀念鄭啟泰》紀念特輯，緬懷「鄭鬼怪」服務近1/4世紀嘅努力付出，紀念特輯今日經電台同社交平台播出。

鄭啟泰日前猝逝，電台今日播出佢嘅紀念特輯

鄭啟泰自1998年加盟新城，去年底曾短暫離職直至1月回巢，1月底先開始同 T-Max (海淦清）仲有 麥皓兒 一齊主持節目《得閒High Tea》。

鬼怪任職電台近25年，近日先再回巢主持節目

呢日新城知訊台台長 程凱欣 、T-Max、麥皓兒 節目規劃及頻道運作總經理朱子昭，仲有接手主持嘅伽伽同梁樂童都有現身電台。T-max指視鬼怪為師傅，冇對方自己就冇今日，而皓兒受訪時不捨落淚，自己加入新城後首個節目就係同鬼怪合作，上星期先同對方見面幾次，仍未接受到佢離開。