鄭秀文與林保怡聚會暢飲歡聚 透露母親身體無恙

鄭秀文（Sammi）與林保怡均係1988年加入樂壇，更喺1991年角逐新人獎，自從 Sammi搵林保怡拍一連三集迷你音樂劇《我不是...》後，二人一直有保持聯絡，噚晚Sammi開心同老友林保怡食飯相談甚歡。

噚晚Sammi開心同老友林保怡食飯相談甚歡。

Sammi日前與一班朋友飛往北海道旅行，最終變成一天遊，先係上機時出現上吐下瀉，隨後佢當晚抵達不久便收到家姐電話，指母親身體狀況有問題，必須入院治療，令Sammi擔心不已，最終取消行程急回港，見Sammi呢日開心晒跟老友見面，估計其母親已無大礙。

Sammi日前與一班朋友飛往北海道旅行，最終變成一天遊。

入圍今屆金像獎男主角嘅林保怡，全程與Sammi暢飲歡聚，並寫道：「傾到食唔停口，食緊紅豆沙。」林保怡當年同Sammi拍TVB經典劇《壹號皇庭》，同期拍劇仲有李珊珊，三人更不時相聚，珊珊近年深居簡出，2019年公開承認曾患上驚恐症，幸好有Sammi同林保怡一班不離不棄嘅好友，一路陪伴走出困境，未知今次珊珊有冇罕有露面出席聚會呢！？
林保怡當年同Sammi拍TVB經典劇《壹號皇庭》。