2024風生水起|馮盈盈只關心龍年文昌運 揚言未來兩年謝絕拍拖

2024風生水起|馮盈盈只關心龍年文昌運 揚言未來兩年謝絕拍拖

馮盈盈 作客節目《2024風生水起》,見到麥玲玲師傅喺度,當然就把握機會搵對方贈幾句,盈盈話準備向玲玲師傅詢問學業嘅運程,因為而家仲修讀梗一個碩士課程,想睇吓點樣可以學業進步,佢話自己上學期成績嘅平均分係A-,喺自己眼中成績只係中規中矩,因為之前考過更好嘅成績。玲玲師傅睇完佢嘅面相就話佢嘅額頭好飽滿,指佢好有讀書運,兼且下學期會拎到更好嘅成績。獲批有讀書運,盈盈話讀完碩士課程之後,都有意修讀其他網上課程,希望令到大家見到藝人都會努力去持續進修增值自已。

盈盈努力讀書同時,仲要兼顧事業,咁咪無時間拍拖,盈盈對住鏡頭話末來兩年絕對唔會拍拖,只係想集中事業同學業,如果桃花運係包括人緣,咁呢方面對於藝人工作有幫助嘅話,我都會歡迎,但係只係姻緣就唔使啦。踏入龍年,盈盈話自己生肖屬狗,本身就擔心有犯太歲嘅問題,不過玲玲師傅話作為藝人係唔使擔心犯太歲,反而對藝人嚟講有多啲新機會,令佢對新一年展望好樂觀。

HOME即是識︱周吉佩+支嚳儀被森美嘲「吉儀隊」唔老黎 邊隊吞蛋收場?

由森美、馮盈盈、陳若思及倪嘉雯主持的全新問答遊戲節目《HOME即是識》,參賽者不論藝人或素人、只要擅長處理家中大小雜事就能參加,組隊爭奪高達港幣10萬元的獎金獎品!

周二、周三晚(20日)、明(21日)兩晚播出的第三輪初賽,藝人隊是來自《中年好聲音》的周吉佩(吉吉)和支嚳儀、曹敏寶和魏嘉信;素人隊則有加菲貓+小丸子、Mandy+Kenneth、Rainy+Paddy以及Carol+Ming。「家務擔當」吉吉自揭嗜好是洗碗,笑言透過洗碗能清空頭腦,是紓壓好方法;支嚳儀則笑指自己更換垃圾袋時會噴香水,確保每次扔垃圾都香氣四溢。對於吉吉與支嚳儀組隊,森美更笑指「唔老黎」:「一個叫阿吉,一個叫阿儀,咪吉儀組合?!」認真抵死!講到生得最多小朋友的隊伍,魏嘉信即自告奮勇:「我哋都三個,夾埋……唔係一齊生!」森美聞言即揶揄:「知道唔係你兩個生,律師講嘢果然精準好多(魏嘉信職業為律師)。」

在第一回合選擇題,其中一題指雞蛋尖頭向下放更能保鮮,擁有五年家庭主婦經驗的曹敏寶即頭頭是道說:「我知道蛋嘅氣室喺闊啲嗰邊,所以倒轉擺蛋黃喺上面,同氣室接觸多啲……」究竟曹敏寶隊可有答對問題?節目自有分曉。第二回合實驗題,除了摺襪比賽、還有鬥快令磨砂玻璃變回清透,一眾嘉賓玩得相當落力,場面熱鬧。搞笑的是,有一隊無論如何落力,最終都是「吞蛋」收場,到底是哪一隊?

輪到最激烈的雪櫃爭奪道具環節,究竟使用甚麼物件能有效去除金屬表面油漬?「吉儀隊」派出支嚳儀做代表與Kenneth對戰,二人和平地各自選了不同的道具,到底家中自設小農莊種蔬果的Mandy+Kenneth、會否因本身具備相關知識最終得勝?而最後的終極搶答環節,又會花落誰家?

 相關推薦

熱門搜尋