廉政行動2024丨陳山聰首與女神張曦雯合作 鄭則仕約朋友聚會:老人先講舊事

廉政行動2024丨陳山聰首與女神張曦雯合作 鄭則仕約朋友聚會:老人先講舊事

TVB劇集《廉政行動2024》呢日舉行開鏡拜神儀式,並公佈角色安排,陳山聰與張曦雯演ICAC人員,二人首度合作拍劇,山聰終於等到機會同女神合作,大呻未能做情侶,二人只係演好友關係。

山聰開心有幸拍到ICAC呢個劇,笑指以前呢個角色係張智霖演,30年後由佢同張曦雯做都好開心,劇集單元有唔少好戲之人參與,包括鄭則仕(Kent哥)、羅子溢、徐榮及蔡潔等,而Kent哥更係劇情關鍵人物,Kent哥除咗拍劇,閒時就相約同老友聚會,跟好友呂良偉同麥當雄一年都見幾次,Kent哥笑指唔會話當年,只有老人先講舊事,後生就要講本事。

羅子溢透露喺劇中被追殺,自己有不少動作戲份,而太太楊莤堯剛拍完劇歸隊接力湊小朋友,子溢可以放心去拍劇,而且過年嗰陣都有時間陪小朋友玩吓;徐榮坦言最難係同蔡潔拍跳舞戲,一度擔心狂踩拍檔腳板,蔡潔就好鍾意呢個劇本足足睇咗幾個鐘。

2.26 首播|馬德鐘忠奸難辨勁神秘 《再見‧枕邊人》孖張曦雯玩拼湊「零違和」勁驚喜

由廖晉碩監製、林麗媚擔任編審嘅TVB劇集《再見‧枕邊人》,由2月26號起,逢周一至五晚8點半翡翠台播映,主要演員包括馬德鐘、黃智雯、 張曦雯、羅天宇、徐榮、鄭俊弘、尹詩沛及杜燕歌等。 「真正的死亡是被遺忘」,如果連自己都把自己遺忘,又會係一個點樣嘅故事?資深記者顧晴天(黃智雯 Mandy 飾)因為一次意外掉下山崖兼離奇流落印尼;昏迷長達6年半後終於醒來嘅晴天,不但身處異地,更失去所有記憶,佢喺好心港人律師金長勝(羅天宇飾)幫助下返回香港,展開「尋找顧晴天」 之旅。
馬德鐘個角色忠奸難辨。

另邊廂,晴天老公楊萬森(馬德鐘飾),經過七年嘅尋覓及守候終於決定放棄,香港法例有指一個人失蹤7年後,其家屬可申請該人喺法律上死亡,就喺萬森決定與多年來對自己不離不棄嘅紅顏知己朱善美(張曦雯飾)結為夫婦、重新開始之際,晴天碰巧於二人大婚之日重現萬森眼前。面對全心全意愛自己嘅新歡、以及曾經有過不少愉快回憶嘅「失憶」舊愛,萬森陷入最大兩難……

黃智雯都覺得呢張海報好 amazing 同好表達到個劇情。

《再見‧枕邊人》最大賣點係首集甫開始觀眾已能夠完全代入主角晴天嘅視角,與晴天同步了解身邊每一個人,並以剝洋蔥式手法逐步邁向真相;變相觀眾將會與失憶嘅晴天一樣,即使睇到劇集中段,依然忠奸難辨,連自己過去係咪好人,也因冇咗記憶而搵唔到肯定答案。

《再見‧枕邊人》劇情以失了憶的黃智雯作出發點。

因劇集採用「隱瞞式說故事」手法交代劇情,每集刻意收起一啲重要線索、留待之後劇情先逐步揭出嚟,令觀眾收睇時有「反轉再反轉」嘅驚喜。觀乎劇組今日發布官方宣傳海報設計相當特別,先係講馬德鐘角色海報,兩邊面除咗一邊彩色、一邊黑白,彩色嗰邊面嘅神情相當深藏不露、黑白嗰邊面露出饒有深意嘅奸笑,明顯佈滿不少裂痕,配以宣傳語句「愛惜或掩飾」,為楊萬森呢個角色增添不少神秘色彩。至於女主角主題海報則更特別,左邊黑白裂痕臉其實係張曦雯飾演嘅朱善心,右邊彩色迷惘表情係黃智雯飾演嘅顧晴天;令人驚喜就係,雖然係將黃智雯及張曦雯嘅樣拼合喺一齊,但卻出奇地「零違和」。
因劇集採用「隱瞞式說故事」手法交代劇情,每集刻意收起一啲重要線索、留待之後劇情先逐步揭出嚟。

對於概念海報,黃智雯大叫 amazing:「其實我第一次睇呢個海報嘅時候,我都覺得好神奇嘅,因為冇諗過原來我同Kelly個樣合拼埋都幾似,我自己都諗咗幾秒,覺得呢個海報設計同劇情幾夾,就好似楊萬森周旋喺我同Kelly中間咁。」Mandy透露晴天與張曦雯飾演嘅朱善美有不少相似地方:「我哋都係工作狂、好熱愛工作,失憶前嘅晴天其實係好aggressive、係非常之有明確目標嘅女人嚟。」Mandy指一開出故事就係顧晴天失憶咗7年後、再次返嚟見到佢丈夫同仔仔,到底7年前嘅意外真相係點,未到最後1秒唔知道個真相係點!?
到底7年前嘅意外真相係點,未到最後1秒唔知道個真相係點!?

2.26 首播|《再見‧枕邊人》逢周一至五晚八點半翡翠台播映

 相關推薦

熱門搜尋