黃子佼神隱7個月終蒲頭 公開認錯向METOO受害人致歉

黃子佼神隱7個月終蒲頭 公開認錯向METOO受害人致歉

黃子佼去年6月捲入METOO風波,令其形象及演藝事業均重創,神隱近7個月後,黃子佼 7號晚喺社交平台及出道歉文,當中更tag埋去年指控佢 METOO 嘅旅居法國網紅Zofia。而喺METOO事件發生後,一直支持老公黃子佼嘅孟耿如,則喺道歉文下面留言:「我永遠愛你 加油老公」,得到唔少網民畀like。

黃子佼喺社交平台發出道歉文。
黃子佼道歉文如下:

本人黃子佼因十多年前的失禮行為,對Zofia小姐所造成心理上之困擾與傷害,一直深深感到抱歉,特此為文公開指名道歉。

並懇請各界,自此,不要再對Zofia小姐有任何騷擾或攻擊,誠心感謝🙏🏻。

和我一起.走在法國的365天

備註:本道歉文內容與發布時間,乃經由雙方透過代理人協議,並經雙方律師確認後發布。

孟耿如留言支持老公。Zofia

胡鴻鈞返港帶加熱煙被截 事發後首露面回應事件

胡鴻鈞返港帶加熱煙被截 事發後首露面回應事件

日前由內地工作返港嘅 胡鴻鈞 於高鐵站入境時被海關發現㩗帶約百支加熱煙彈,事後Hubert指係幫朋友帶返港,對自己唔熟悉法例下犯錯而非常抱歉。

事隔多日之後,Hubert首次於公開活動演出,亦正式接受傳媒訪問講述事發經過同心情。

呢日Hubert會見傳媒時先公開道歉,又對自己令公眾失望稱願意負擔所有責任,更稱往後會更加小心,亦會再留意同熟悉法例,今次事件所有責任全在自己。

佢又提到事發後曾受到公司訓話,而外界對自己嘅失望目前已係最大懲罰。事件後目前暫未收到相關部門任何通知嘅佢,暫時未知工作有否受事件影響,而就算工作有異動自己亦絕對接受。

熱門搜尋