新城播鄭啟泰紀念特輯表哀悼 王雁芝:慶幸成最幸運最後一位

新城播鄭啟泰紀念特輯表哀悼 王雁芝:慶幸成最幸運最後一位

資深DJ鄭啟泰日前猝逝,終年56歲,消息令人震驚,有份同佢一齊主持電台節目《得閒High Tea》嘅愛徒麥皓兒Cayley、T-Max, 呢日喺Eric離世後首次開咪,佢哋更預留咗一張空櫈畀Eric,直播室氣氛即時顯得沉重起嚟。

新城廣播知訊台台長程凱欣率節目主持受訪時,透露資深DJ鄭啟泰曾經帶畀香港人好多歡樂,值得懷念:「我哋近日睇返鬼怪嘅片段,曾經主持嘅節目,聽返以前嘅點滴,發現咗好多我哋唔知鬼怪嘅一面,係廣播界嘅損失,我哋會永遠記得鬼怪嘅笑聲。」

作為Eric愛徒嘅Cayley同T-Max表示至今仲未接受到師傅離開,尤其係Cayley談及Eric時,更多次忍唔住哭成淚人,Cayley指近兩星期多次和Eric見面及做節目,又拍攝賀年相,完全未能接受事實,好希望對方能夠返嚟一齊開咪。

為咗感謝Eric 25年嚟對新城嘅貢獻,節目期間更播出《怪你過份美麗紀念鄭啟泰》特輯,Eric嘅未婚妻王雁芝,都有錄音分享佢同Eric昔日相處甜蜜點滴。王雁芝說:「認識Eric呢兩年係我人生中最自在、幸福、浪漫,好慶幸認識到佢,成為最幸運一位,亦係最後一位,能夠陪住佢到最後一秒,我會延續歡樂成為Eric 2.0,繼續開心、樂觀生活落去,I Love You鄭啟泰老公!」

而曾經喺Eric出書幫佢寫序嘅薛家燕,都對Eric離世感到好突然,由當初期待再同佢共事到最後收到MM靈王噩耗,中裡非常難受,家燕姐話:「記得1月30號我哋仲一齊拍賀年節目互相擁抱,啟泰仲話要鍚我一啖,估唔到收到呢個消息。」

鄭啟泰逝世︱基督教追思會即將舉行 據指會邀親友分享軼事

著名電台DJ鄭啟泰於上月初突然逝世,終年56歲,消息令人惋惜。

有指,鄭啟泰的追思會,會以基督教儀式進行。而日前,未婚妻王雁芝(Angie)在社交平台同時宣布追思會即將舉行,她甫出鄭啟泰生前與愛犬的合照,並呼籲:「仲有無朋友想參加?鄭先生畢業禮請私訊我。」

據了解,鄭啟泰的追思會,將於3月16日在循道衞理聯合教會國際禮拜堂一樓The Sanctuary舉行,暫名為「鄭啟泰.生命禮讚」,屆時會邀請親友一同分享鄭啟泰的點滴軼事,共同追憶。

 相關推薦

熱門搜尋