支嚳儀梁浩銓海上演出吸觀眾 羅啟豪農曆年孖李龍基內地演出

支嚳儀梁浩銓海上演出吸觀眾 羅啟豪農曆年孖李龍基內地演出

羅啟豪、支嚳儀Venus 同梁浩銓呢日一齊應邀為海上音樂會任表演嘉賓,佢哋仲走入粉絲以及觀眾堆中近距離互動演出,令現場氣氛非常熾熱,三人分別獻唱經典歌曲以及浪漫情歌冧觀眾。

Venus專登精挑細選歌曲配合浪漫主題,佢最開心可以同身邊兩位男神合唱,而快歌方面就交由男士,三人均首次喺船上表演,覺得感覺好特別,佢哋亦事先做好準備,羅啟豪話:「上船前食咗暈浪丸,怕有暈浪風險。」而梁浩銓就話:「好少喺陸地以外唱歌,要練習平衡力, 好彩都適應到,打幾個筋斗都可以。」

嚟緊嘅大年初一,一班中一生會喺工作中同歌迷度新歲,而羅啟豪就透露將會喺初二孖李龍基到內地演出,可以賺外快之餘又可以吸收經驗。

王浩信姚子羚率《狀王》演員廟街玩遊戲 中聲歌手傾力獻唱年三十晚大晒冷

TVB藝員及歌手喺年三十晚齊集油麻地,同市民一齊倒數迎龍年,雖然天氣寒冷,不過現場氣氛既溫暖又熱鬧,王浩信同姚子羚率《狀王之王》演員宣傳造勢,同場仲有李龍基、呂珊、《中年好聲音》歌手支嚳儀、顏志恒、羅啟豪、林鉫徫、丁文俊、魏嘉信、李佳、龍婷、吳大強及周吉佩等,佢哋好開心同藝員們一齊倒數迎新春。

支嚳儀指上年呢個時間因眾人要努力準備出戰比賽,心態同今年好唔同,而羅啟豪就透露新歌正籌備得如火如荼,林鉫徫年三十晚通常同家人食飯後就去行年宵;《中年好聲音2》唱將顏米羔、黃劍文同陳蒨葶亦有份輪流上台獻唱,佢哋喺附近食嘢更被街坊認出,邀佢哋一齊合照。

吳大強呢日同李龍基、林鉫徫、丁文俊及魏嘉信合唱《勝利雙手創》,大強指同基哥合作過幾次,有基哥帶住唱得特別有信心;身穿古裝嘅王浩信同姚子羚就向觀眾拜年,與演員們一齊玩遊戲,又有一啲小趣劇。

黃美棋同文凱玲兩位準人妻,笑指今年仲可以努力逗利是,文凱玲笑指被長輩催結婚生B,足足催促咗廿年,而郭柏妍讚親戚好識趣,冇特別問感情事;謝東閔同孔德賢就幫《本尊就位》宣傳,坦言冇諗過收視成績咁好,絕對係今年新年嘅一個好開始。

 相關推薦

熱門搜尋