本尊就位｜孔德賢懲戒霸氣韋家雄 黃嘉樂正義背後暗藏玄機

謝東閔、孔德賢、陳嘉慧等主演嘅民初喜劇《本尊就位》中，除咗人仙相處嘅爆笑趣事之外，飾演蝦蝦霸霸嘅金爺韋家雄都成日出招，呢集就講到佢好想爭取做鎮長，被飾演道士嘅孔德賢小懲戒，要佢喺神壇前五體投地跪拜，可惜罪孽太深，最終都未能成功做鎮長。
金爺雖然角色霸氣十足，但私底下佢同班演員們關係友好，係別人眼中嘅開心果，合作時仲好識得搞氣氛搞氹人開心。

另一場戲就係講述黃嘉樂學有所成，返到五族房鎮接任爸爸做鎮長，拍攝呢場戲時，咁啱係劇組第一日開工，謝東閔表示角色要講好多文言文嘅長對白，自己事先都做好準備查字典了解句子，更自嘲係金魚記憶，所以都花咗好多心機去演好角色。

嘉樂高大靚仔仲要係鎮長，所以喺劇中被飾演八仙樓太子女嘅林穎彤暗戀，而嘉樂嘅身份同角色將會起變化，佢都話好耐冇演過呢類角色，表面充滿正義感，但內裡行為極端，觀眾可以拭目以待。