2023年十大收視劇集|《新聞女王》榮膺全年總冠軍 《破毒強人》單集最高收視30.1點

2023年十大收視劇集|《新聞女王》榮膺全年總冠軍 《破毒強人》單集最高收視30.1點

嚟到兔年最後一日,無綫根據 CSM 媒介研究同 YOUBORA 收視資料數據,將於今日稍後時間喺官方社交網專頁公布2023年翡翠台10大最高收視劇集,以及單集最高收視劇集排名。

第1位《新聞女王》第2位 《隱形戰隊》

由佘詩曼、李施嬅、譚俊彥同高海寧等主演嘅台慶劇《新聞女王》,眾望所歸以7天跨平台總收視平均26.9點榮登全年收視總冠軍劇集,緊隨其後嘅係引發無數熱話、無綫金牌監製文偉鴻作品、由馬國明、陳山聰、劉佩玥及劉穎鏇主演嘅《隱形戰隊》,7天跨平台總收視平均25.5點;另外,由鐵三角—羅永賢監製、黃偉強編審同視帝陳豪攜手打造嘅《破毒強人》,7天跨平台總收視平均24.7點,陳豪仲憑劇中文華一角再度勇奪視帝殊榮。

第3位《破毒強人》第4位《靈戲逼人》第4位 《有種好男人》

排名第四位嘅共有三套,三套劇集嘅7天跨平台總收視平均均係22.1點,分別係由張振朗同龔嘉欣主演嘅《靈戲逼人》、李佳芯同馬德鐘主演嘅《有種好男人》、陳豪同龔嘉欣主演嘅《新四十二章》,所以封陳豪同龔嘉欣係收視福將絕不為過。值得一提嘅係,口碑不斷嘅《靈戲》,喺「亞洲影藝創意大獎」中贏得「最佳喜劇節目」殊榮。由於共有三套劇集7天跨平台總收視相同,所以第五同第六名位置從缺,之後排名第七位嘅係黃智雯、陳展鵬同吳岱融主演嘅《隱門》,7天跨平台總收視平均21.8點;第八名係蔡思貝、何廣沛同一眾年青演員擔正嘅《你好,我的大夫》,7天跨平台總收視平均21.7點,第九位係陳法蓉主演嘅《一舞傾城》,7天跨平台總收視平均21.6點,第十位就係胡定欣同王浩信主演嘅《廉政狙擊》,7天跨平台總收視平均21.3點。

第4位《新四十二章》第7位《隱門》

講到單集最高收視劇集五強,順序係錄得30.1點嘅《破毒強人》、28.7點嘅《隱形戰隊》、28.4點嘅《新聞女王》、24.7點嘅《靈戲逼人》同24.4點嘅《一舞傾城》。
第8位《你好,我的大夫》第9位 《一舞傾城》第10位《廉政狙擊》

佘詩曼封滿貫視后 陳豪16年後再奪視帝 馬國明曬幸福:太太開心就旺夫

TVB台慶劇集《新聞女王》喺《萬千星輝頒獎典禮2023》勇奪得最佳劇集大獎,橫掃8個獎項,「三料視后」佘詩曼成為全晚大贏家,林峯與楊茜堯頒視后獎座祝賀佘詩曼,佘詩曼致詞時更喜極而泣。

頒獎典禮今年移師澳門上葡京綜合度假村隆重舉行,阿佘好開心今次回巢拍劇,重遇好多舊朋友,又有機會同新演員合作,阿佘喺老友手上接過獎座,亦勾起好多難忘回憶,阿佘笑指林保怡同林峯好口密,自己事前冇講做頒獎嘉賓;陳豪相隔16年再奪視帝寶座,由太太陳茵媺親自頒獎,陳豪得獎後即甜蜜表示要帶太太去一個二人世界旅行。

馬國明榮封大馬視帝,佢指2023年係幸運年,未試過最高收視嘅三套劇都有自己份,馬明更指太太湯洛雯開心就旺夫,《隱形戰隊》奪得大馬最喜愛劇集,監製文偉鴻率領一眾演員開心領獎,台前幕後興奮不已;《隨懿深度行》獲大馬節目獎,黎諾懿開心以監製身份獲得肯定,多謝太太一直照顧好小朋友,令諾懿放心投入工作。

黃宗澤奪得大灣區最喜愛男主角,獲兩大前輩羅嘉良及林保怡頒獎,黃宗澤感到好榮幸。而林子善首奪最佳男配角,台上激動落淚兼跪地鞠躬答謝父母,高海寧亦係首奪最佳女配,佢心情激動,感謝屋企人咁多年嘅支持,同時感謝「Man姐」阿佘提點。

 相關推薦

熱門搜尋