夏蕙姨強勢回歸黃大仙上頭炷香!龍年紅噹噹「小龍女」造型賀新春

夏蕙姨強勢回歸黃大仙上頭炷香!龍年紅噹噹「小龍女」造型賀新春

資深藝人黃夏蕙(夏蕙BB)過往多年均喺黃大仙廟同其他善信一齊爭取上頭炷香,作為「頭炷香KOL」之稱今日年三十晚大除夕,夏蕙BB強勢回歸黃大仙,整裝待發,等待子時上頭炷香,祈求神明保佑。
夏蕙BB睽違三年,佢下午抵達黃大仙祠。

夏蕙BB睽違三年,佢下午抵達黃大仙祠,以一身紅衣「小龍女」look排隊,造型相當搶眼,吸引外國人邀合照,就知夏蕙BB幾咁受歡迎。夏蕙BB龍年希望世界和平,又指要支持香港推夜經濟,上頭炷香後將親身去維園行年宵買花,同時為檔主打氣,夏蕙BB更祝願市民龍馬精神、「龍咁威」,最緊要世界和平,人人有工做、有屋住、有飯食,身體健康。一身紅衣「小龍女」look排隊嘅夏蕙BB,造型相當搶眼。

夏蕙BB一向深得年輕人喜好,過往曾以不同生肖造型驚喜現身,去年佢以性感金髮兔女郎打扮,穿短裙黑絲襪喺美國三藩市黃大仙廟裝香為香港人祈福,而佢今年呢個「小龍女」戰衣早喺6個月前已開始設計,化身抱打不平嘅「小龍女」。

2023年十大收視劇集|《新聞女王》榮膺全年總冠軍 《破毒強人》單集最高收視30.1點

嚟到兔年最後一日,無綫根據 CSM 媒介研究同 YOUBORA 收視資料數據,將於今日稍後時間喺官方社交網專頁公布2023年翡翠台10大最高收視劇集,以及單集最高收視劇集排名。

第1位《新聞女王》第2位 《隱形戰隊》

由佘詩曼、李施嬅、譚俊彥同高海寧等主演嘅台慶劇《新聞女王》,眾望所歸以7天跨平台總收視平均26.9點榮登全年收視總冠軍劇集,緊隨其後嘅係引發無數熱話、無綫金牌監製文偉鴻作品、由馬國明、陳山聰、劉佩玥及劉穎鏇主演嘅《隱形戰隊》,7天跨平台總收視平均25.5點;另外,由鐵三角—羅永賢監製、黃偉強編審同視帝陳豪攜手打造嘅《破毒強人》,7天跨平台總收視平均24.7點,陳豪仲憑劇中文華一角再度勇奪視帝殊榮。

第3位《破毒強人》第4位《靈戲逼人》第4位 《有種好男人》

排名第四位嘅共有三套,三套劇集嘅7天跨平台總收視平均均係22.1點,分別係由張振朗同龔嘉欣主演嘅《靈戲逼人》、李佳芯同馬德鐘主演嘅《有種好男人》、陳豪同龔嘉欣主演嘅《新四十二章》,所以封陳豪同龔嘉欣係收視福將絕不為過。值得一提嘅係,口碑不斷嘅《靈戲》,喺「亞洲影藝創意大獎」中贏得「最佳喜劇節目」殊榮。由於共有三套劇集7天跨平台總收視相同,所以第五同第六名位置從缺,之後排名第七位嘅係黃智雯、陳展鵬同吳岱融主演嘅《隱門》,7天跨平台總收視平均21.8點;第八名係蔡思貝、何廣沛同一眾年青演員擔正嘅《你好,我的大夫》,7天跨平台總收視平均21.7點,第九位係陳法蓉主演嘅《一舞傾城》,7天跨平台總收視平均21.6點,第十位就係胡定欣同王浩信主演嘅《廉政狙擊》,7天跨平台總收視平均21.3點。

第4位《新四十二章》第7位《隱門》

講到單集最高收視劇集五強,順序係錄得30.1點嘅《破毒強人》、28.7點嘅《隱形戰隊》、28.4點嘅《新聞女王》、24.7點嘅《靈戲逼人》同24.4點嘅《一舞傾城》。
第8位《你好,我的大夫》第9位 《一舞傾城》第10位《廉政狙擊》

 相關推薦

熱門搜尋