流行都市丨安德尊化身神隊友食wasabi蕉通鼻 張美妮化身仙女自帶特效進場

TVB休閒資訊節目《流行都市》一眾主持呢日為賀年特輯進行拍攝，令觀眾笑住賀新歲，見佢哋玩遊戲玩到不顧形象，就知「戰況」幾咁激烈，大王安德尊化身神隊友獲對手讚賞，而吳天佑竟然係豬隊友，譚永浩笑指一個2分鐘嘅遊戲，吳天佑足足玩咗10分鐘！

大王安德尊玩遊戲食wasabi蕉，好快就吞咗落去，林秀怡爆大王食完流鼻涕；之後眾主持為趣劇變古代人，林秀怡同吳天佑再組CP，宋芝齡指佢哋每年都拍趣劇，為觀眾送上新年祝福。而張美妮化身仙女現身，自帶「特效」出場既趣怪又搞笑。