Home即是識丨陳欣妍豪贈座駕予沈震軒 Patrick Sir揚言買樓送愛妻

Home即是識丨陳欣妍豪贈座駕予沈震軒 Patrick Sir揚言買樓送愛妻

TVB有獎問答遊戲《Home即是識》呢日進行錄影,請嚟林溥來(Patrick Sir)、關宛珊(Kimmy)、沈震軒及陳欣妍(Shirley)擔任嘉賓挑戰家居常識問答。

Patrick Sir出名博學多聞,笑指答題嗰陣會諗多咗,而沈震軒自爆喺屋企不時要執女友手尾;好快就到情人節,陳欣妍早前送咗架車畀男友沈震軒,令Patrick Sir講笑叫老婆Kimmy學吓,又指自己要送樓畀太太。

HOME即是識︱家居版《學是學非》常識問答遊戲 自嘲似緝毒犬沈震軒自揭強迫症?

由森美、馮盈盈、陳若思及倪嘉雯主持的全新問答遊戲節目《HOME即是識》,是一個關於家居大小事的問答遊戲節目,透過問答遊戲及做實驗等不同方法教曉觀眾家居大小事,加上是次是森美及盈盈繼《學是學非》後再度合體大賣轉數,堪稱「家居版」《學是學非》。

第一輪初賽,藝人隊有Patrick Sir(林溥來) 和太太關宛珊、沈震軒和女友陳欣妍;素人隊則有黃生+黃C拉、Shing+Yanka、Patrick+司琪和呀安+姵如。行知識型路線的Patrick Sir甫出場即大拋書包:「屋企長期擺三樣嘢好緊要,梳打粉、白醋同埋檸檬 ,呢三樣嘢好神奇,通渠都得!」關宛珊亦唔執輸說:「檸檬擺雪櫃可以除臭。」住大屋的沈震軒則分享執屋心得,並自爆有強迫症:「我好似緝毒犬咁,見到邊度有嘢就會執,隻杯歪咗就會整番好。」陳欣妍則挑戰男友底線謂:「為咗滿足佢嘅完美主義,我會將啲杯由啱嘅位擺去唔啱嘅位!」

遊戲環節氣氛同樣熱鬧,其中一條問題「對付血、汗、油脂等污垢,應用哪種物品清潔較有效?」,有A小蘇打和B檸檬汁選擇,此時對檸檬情有獨鍾的Patrick Sir,再度大大力推廣檸檬汁好處:「用檸檬汁浸一晚就得!」

 相關推薦

熱門搜尋