趙小婷搞大型生日會 好姊妹黃洛妍改機票到賀

趙小婷搞大型生日會 好姊妹黃洛妍改機票到賀

趙小婷見到一眾粉絲、《聲夢傳奇2》兄弟姊妹同親友為自己慶祝23歲生日,心情既開心又感動,佢話成個生日會同想像中好相近,加上今年好難得可以抽到時間搞一個咁大型嘅生日會。講到生日願望,佢話希望身體健康、學業進步、心想事成同要乜有乜。

難得咁多疼惜自己嘅人在場,Pamela當然獻唱答謝愛戴,而因為比賽而成為好姊妹嘅黃洛妍,仲特登改機票返港出席,嚟得現場當然要上台合唱。Pamela話知道大家都好鍾意佢同Janees呢個組合,所以就襯呢個機會試多啲新嘢畀大家睇,佢仲大讚Janees係義不容辭,Janees話自己用咗零秒就答應出席。仍然修讀醫科嘅Pamela話會堅持繼續喺網上唱歌,因為佢嘅性格係做乜嘢事都認真。

佘詩曼歐陽震華為Benz雄太太賀壽 陳錦鴻罕有現身圈中好友聚會

許紹雄(Benz雄)近年移居新加坡,自2020年初打本畀愛女許惠菁(Charmaine)做生意,佢不時喺餐廳坐鎮幫忙睇檔,生活過悠閒生活,平時與家人逛街市買餸過打發時間,近日Benz雄回港探朋友,更全家出動去澳門睇楊千嬅演唱會,難得回港,當然要跟相識多年嘅好友歡聚。

佘詩曼與歐陽震華為Benz雄太太慶祝生日。

佘詩曼(阿佘)、歐陽震華、陳錦鴻、韓馬利、杜燕歌及黎芷珊等,跟Benz雄相識多年,原來佢哋約埋一齊為Benz雄太太龍嬿而提早慶祝生日;阿佘喺1999年拍第一套電視劇《雪山飛狐》,就係同陳錦鴻合作,阿佘曾喺《志雲飯局》講過陳錦鴻教戲好仔細,亦好肯教後輩。


佘詩曼與許紹雄曾於2009年合作無綫劇集《絕代商驕》,其後於2014年再度於劇集《使徒行者》結下父女緣。

陳錦鴻多年來為照顧患自閉症嘅兒子陳駕樺而減少幕前工作,甚少在港公開露面,間中喺內地登台,陳錦鴻與一眾老友仍有聯絡。而阿佘同歐陽震華就曾合作拍《帶刀女捕快》、《洗冤錄2》及《法證先鋒2》,二人劇裏劇外默契十足,每年生日都互相向對方送祝福,阿佘曾邀歐陽震華到家中作客,一齊上內地綜藝節目傾心事。相信呢次咁齊人聚會,阿佘、韓馬利同杜燕歌飲酒飲到面紅,就知佢哋必定盡興歸!
佘詩曼曾靠陳錦鴻教抽離角色,避免戀上對手。

 相關推薦

熱門搜尋