中年好聲音2丨陳慧嫻親揭事業高峰暫別樂壇之謎 全因超級控制狂老竇?!

中年好聲音2丨陳慧嫻親揭事業高峰暫別樂壇之謎 全因超級控制狂老竇?!

TVB歌唱真人騷《中年好聲音2》周日初二(11號)晚上8點35分翡翠台播出,節目由車婉婉擔任主持。本集係第九部曲《陳慧嫻金曲賽 喜氣洋洋賀十二強!》下半場, 有肥媽、伍仲衡、張佳添、周國豐及陳慧嫻擔任評審。今集出場名單如下:《歸來吧》譚輝智、《我寂 寞》黃劍文、《夜機》安雅希、《傻女》陳燕娜、《月亮》沈宗賢及《與淚抱擁》 劉威煌。

安雅希獻唱 Bossa Nova 版《夜機》。

越唱越強嘅黃劍文再有好表現!自彈自唱嘅劍文演出《我寂寞》,大晒煙嗓唱出寂寞感覺,而佢留鬚流浪造型有加分,慧嫻大讚劍文為呢首歌做咗好多功課:「恭喜晒你,畀到嘢我睇、畀到嘢我聽,真係畀咗好多心機落去,呢樣值好多分,令我好感動。」肥媽大讚劍文做足功課:「引用一句好老土嘅說話,海上扒龍船,岸上有人見,你真係有做功課。」伍仲衡覺得劍文有啲王傑不羈浪子Feel。 

黃劍文連個造型都做晒功課,一身流浪 Look 好有 Feel。

穿上酒紅裙嘅安雅希獻唱《夜機》,將歌曲改編成Bossa Nova風格,雅希邊唱邊搖Chill到爆。對於雅希嘅演出,慧嫻覺得雅希係一位戰鬥格嘅歌手,有感呢隻歌唔係太適合比賽,而且聲音係屬於厚同低沉,唱呢隻歌係好聽,不過呢隻咁平淡嘅歌表現唔到雅希「威猛」嘅地方。伍仲衡亦認同慧嫻所言:「呢隻歌大部分時間係中低音,而你嘅高音係好聽,攞分好多時喺個Chorus度,要有啲嘢畀人聽。」張佳添認為Bossa Nova係輕鬆嘢,如果由吳大強唱可以攞到好高分,但係雅希喺Phrasing上面唔夠新鮮感畀大家,未夠Impressed!

《歸來吧》譚輝智

《夜機》乃慧嫻爆紅作品之一,當年正值事業高峰嘅慧嫻宣布暫別樂壇遠赴美國讀書,令一眾歌迷依依不捨,今集慧嫻自揭箇中原因:「我個人好簡單,唔多諗嘢,多得我老竇係超級控制狂,佢話咩我就做咩,雖然我有唱《反叛》,但都係被迫㗎啫!爸爸覺得我唱咗歌,滿足咗自己愛好喇,咁不如讀埋大學,如果第時唔唱歌,起碼有個學歷喺度,當時我自己都喊,好唔捨得啲歌迷。」

陳蒨葶沈宗賢劉威煌

《中年好聲音 2》初二晚8點35分翡翠台播映

中年好聲音2|14強選手廟街拍攝賀年MV 人氣旺盛獲派財送祝福

《中年好聲音2》14強選手踩落廟街夜巿拍攝全新賀年MV,吸引大批途人圍觀合照,原來除咗廟街之外,團隊仲先後去到中環石板街、灣仔利東街、太子花墟等地方取景拍攝,難怪佢哋個個都話拍攝時就好似去旅行一樣。陳蒨葶話喺現場同街坊互動,又派財神同小朋友玩,仲別嘉賓Tvbuddy一齊同行,氣氛格外熱烈。顏米羔就話自己平日都有去花墟睇花習慣,不過今次去到拍攝時就因為太多人圍觀,未能賞花,不過佢未無失望,因為多謝節目令佢哋一班選手被大眾認識,咁受歡迎。

喺廟街拍攝時,選手們都趁空檔幫襯街邊小食掃街大飽口福,食到停唔到口。鄭梓浩話嚟到廟街夜巿好似置身台灣同日本一樣,令佢有耳目一新感覺,以後要多啲出街見識,陳俞霏聽完即叫對方要多啲帶佢哋出嚟玩。

中聲2嘅選手們除咗積極備戰比賽之外,都不忘計劃點樣過年,黃劍文話每年都會買新衫行街,而安雅希同譚輝智分別分享過年習俗,劉威煌話會喺屋企準備好利事,叫未結婚嘅記得搵佢逗利是。

 相關推薦

熱門搜尋