大年初一‧眾星送祝福丨鄭秀文司棋姐紅噹噹拜年 劉嘉玲馮盈盈郭柏妍洋溢喜慶感

 大年初一‧眾星送祝福丨鄭秀文司棋姐紅噹噹拜年 劉嘉玲馮盈盈郭柏妍洋溢喜慶感

大年初一著新衫拜年,著衫鮮色或喜慶顏色添喜氣,不少藝人喺社交平台同大家拜年,送上賀年祝福,包括容祖兒、劉嘉玲、李司棋、鄭秀文、陳自瑤、林夏薇、何依婷、馮盈盈、郭柏妍等,個個著上紅色或粉紅色衫,映襯吉祥喜慶感覺。

容祖兒貼出與好姊妹阿嬌同阿Sa合照!

容祖兒喺IG貼出與好姊妹蔡卓妍(阿Sa)同鍾欣潼(阿嬌)嘅合照,祝大家新一年,龍精虎猛,開心順心;而鄭秀文早上11點幾就出發去媽咪屋企家中拜年,與家人開心相聚,佢問大家知唔知佢「身穿紅色西裝褸是在哪一年,哪一個場合着過」?

鄭秀文早上11點幾就出發去媽咪屋企家中拜年。

姚焯菲(Chantel)今年係人生第一次唔喺香港過年初一,佢坦言有啲想家,祝一眾「小菲象」出入平安、萬事如意、學業進步、步步高升;升呢人妻嘅何依婷今年特別去雪地,滑住雪過年開心,見佢一臉幸福美滿,完全感受到佢新婚喜悅!
嘉玲祝大家一元復始、萬象更新,大家年年如意歲歲平安。陳自瑤亦有貼出靚相!馮盈盈貼出粉紅靚靚賀年造型。司棋喺網上開心同大家拜年。何依婷今年喺雪地過新年。林夏薇送上一張靚靚自拍照。郭柏妍祝大家大年初一龍年行運一條龍,龍馬精神到年尾。

中年好聲音2丨陳慧嫻親揭事業高峰暫別樂壇之謎 全因超級控制狂老竇?!

TVB歌唱真人騷《中年好聲音2》周日初二(11號)晚上8點35分翡翠台播出,節目由車婉婉擔任主持。本集係第九部曲《陳慧嫻金曲賽 喜氣洋洋賀十二強!》下半場, 有肥媽、伍仲衡、張佳添、周國豐及陳慧嫻擔任評審。今集出場名單如下:《歸來吧》譚輝智、《我寂 寞》黃劍文、《夜機》安雅希、《傻女》陳燕娜、《月亮》沈宗賢及《與淚抱擁》 劉威煌。

安雅希獻唱 Bossa Nova 版《夜機》。

越唱越強嘅黃劍文再有好表現!自彈自唱嘅劍文演出《我寂寞》,大晒煙嗓唱出寂寞感覺,而佢留鬚流浪造型有加分,慧嫻大讚劍文為呢首歌做咗好多功課:「恭喜晒你,畀到嘢我睇、畀到嘢我聽,真係畀咗好多心機落去,呢樣值好多分,令我好感動。」肥媽大讚劍文做足功課:「引用一句好老土嘅說話,海上扒龍船,岸上有人見,你真係有做功課。」伍仲衡覺得劍文有啲王傑不羈浪子Feel。 

黃劍文連個造型都做晒功課,一身流浪 Look 好有 Feel。

穿上酒紅裙嘅安雅希獻唱《夜機》,將歌曲改編成Bossa Nova風格,雅希邊唱邊搖Chill到爆。對於雅希嘅演出,慧嫻覺得雅希係一位戰鬥格嘅歌手,有感呢隻歌唔係太適合比賽,而且聲音係屬於厚同低沉,唱呢隻歌係好聽,不過呢隻咁平淡嘅歌表現唔到雅希「威猛」嘅地方。伍仲衡亦認同慧嫻所言:「呢隻歌大部分時間係中低音,而你嘅高音係好聽,攞分好多時喺個Chorus度,要有啲嘢畀人聽。」張佳添認為Bossa Nova係輕鬆嘢,如果由吳大強唱可以攞到好高分,但係雅希喺Phrasing上面唔夠新鮮感畀大家,未夠Impressed!

《歸來吧》譚輝智

《夜機》乃慧嫻爆紅作品之一,當年正值事業高峰嘅慧嫻宣布暫別樂壇遠赴美國讀書,令一眾歌迷依依不捨,今集慧嫻自揭箇中原因:「我個人好簡單,唔多諗嘢,多得我老竇係超級控制狂,佢話咩我就做咩,雖然我有唱《反叛》,但都係被迫㗎啫!爸爸覺得我唱咗歌,滿足咗自己愛好喇,咁不如讀埋大學,如果第時唔唱歌,起碼有個學歷喺度,當時我自己都喊,好唔捨得啲歌迷。」

陳蒨葶沈宗賢劉威煌

《中年好聲音 2》初二晚8點35分翡翠台播映

 相關推薦

熱門搜尋