星光路上丨沈可欣淚謝觀眾給予演技肯定 坦言對楊證樺開頭印象好差

TVB藝員沈可欣（阿沈）與楊證樺於2015年結婚，育有兩個兒子楊宏志（Eugene）及楊宏信（Sean），呢日沈可欣上TVB娛樂新聞台節目《星光路上》與主持潘盈慧分享演藝生活點滴。

沈可欣喺中學年代睇過一次話劇，令佢對演戲產生濃厚興趣，開始去學做話劇，沈可欣喺演藝學院表演系畢業後便加入TVB，第一次拍劇就係《勇探實錄》，當時多得陳榮峻幫佢睇燈同走位；沈可欣當年25歲卻常被安排飾演媽媽，佢好開心角色係有對白，而入行目的都係想做戲。

沈可欣喺2017年拍《踩過界》與老公楊證樺合作飾演一對聾啞夫妻，二人獲劇組安排去學習手語，要跟劇本逐句學，幸好二人喺屋企可以對劇本。而沈可欣演處境劇《愛·回家之開心速遞》嘅「戀愛腦」Rebecca成功入屋，令觀眾們印象深刻。沈可欣最開心係聽到街坊嘅鼓勵說話，令佢同老公覺得好感動，皆因觀眾睇到佢哋嘅努力。

沈可欣坦言對老公楊證樺開頭印象係好差，二人雖然認識多年，不過佢哋並非一開始就過電，直至合作拍《再戰明天》，佢哋先真正了解對方，沈可欣讚楊證樺好照顧伴侶、好照顧家庭，一切以家人為先。