王浩信姚子羚率《狀王》演員廟街玩遊戲 中聲歌手傾力獻唱年三十晚大晒冷

王浩信姚子羚率《狀王》演員廟街玩遊戲 中聲歌手傾力獻唱年三十晚大晒冷

TVB藝員及歌手喺年三十晚齊集油麻地,同市民一齊倒數迎龍年,雖然天氣寒冷,不過現場氣氛既溫暖又熱鬧,王浩信同姚子羚率《狀王之王》演員宣傳造勢,同場仲有李龍基、呂珊、《中年好聲音》歌手支嚳儀、顏志恒、羅啟豪、林鉫徫、丁文俊、魏嘉信、李佳、龍婷、吳大強及周吉佩等,佢哋好開心同藝員們一齊倒數迎新春。

支嚳儀指上年呢個時間因眾人要努力準備出戰比賽,心態同今年好唔同,而羅啟豪就透露新歌正籌備得如火如荼,林鉫徫年三十晚通常同家人食飯後就去行年宵;《中年好聲音2》唱將顏米羔、黃劍文同陳蒨葶亦有份輪流上台獻唱,佢哋喺附近食嘢更被街坊認出,邀佢哋一齊合照。

吳大強呢日同李龍基、林鉫徫、丁文俊及魏嘉信合唱《勝利雙手創》,大強指同基哥合作過幾次,有基哥帶住唱得特別有信心;身穿古裝嘅王浩信同姚子羚就向觀眾拜年,與演員們一齊玩遊戲,又有一啲小趣劇。

黃美棋同文凱玲兩位準人妻,笑指今年仲可以努力逗利是,文凱玲笑指被長輩催結婚生B,足足催促咗廿年,而郭柏妍讚親戚好識趣,冇特別問感情事;謝東閔同孔德賢就幫《本尊就位》宣傳,坦言冇諗過收視成績咁好,絕對係今年新年嘅一個好開始。

中年好聲音2|爭入十強之戰競爭激烈 劉威煌古淖文自信表現突出

《中年好聲音2》嚟緊一連兩集會上演爭入10強之戰,選手們以雙語金曲出戰,鄭梓浩、陳俞霏、古淖文、黃劍文、劉威煌同沈宗賢嘅舞台將會喺今個星期日播出。現時比賽已經進入大直路,各選手都傾力應戰,非常精彩。

古淖文挑選咗一首英文歌以及梅艷芳嘅《不如不見》,並表示自己係梅姐粉絲,希望喺舞台上獻唱一曲向偶像致敬。而以雙語作賽古淖文自信十足:「本身喺澳門土生土長葡國人,由細到大都會講中、英文同葡文,呢個主題反而對我來講優勢大。」

劉威煌嚟到比賽尾段回復狀態大勇,連評判們都大讚呢位隊長歸位,佢選唱咗《只願一生愛一人/讓我一次愛過夠》,演出投入獲評審讚賞,威煌話:「首先多謝評審,原來自己好多準備不足,又驚駕馭唔到,上到台就會好緊張,對自己好有疑問,但對呢首歌有把握有信心。」

比賽咁精彩,一班中一生包括吳大強、周吉佩、曹敏寶、羅啟豪等都專誠趕嚟觀戰,大強仲話見到一班選手嘅演出令佢好有衝動上台唱歌,而吉吉就憶起當年今日嘅時候:「自己都對呢個回合都好難忘,完全投入到佢哋種心情。」而曹敏寶、林鉫徫同李佳都各有支持對象。

 相關推薦

熱門搜尋