StarTalk丨郭富城學越南話被考起 任賢齊難忘與家棟拍搶錢戲打至周身痛

StarTalk丨郭富城學越南話被考起 任賢齊難忘與家棟拍搶錢戲打至周身痛

農曆新年賀歲片《 臨時劫案》由郭富城、任賢齊、林家棟首度攜手合作,呢日佢哋作客TVB娛樂新聞台節目《StarTalk》,與主播王鎮泉(Jeoffrey)暢談佢哋有趣嘅拍攝經過,講到城城哨牙造型夠晒出位,小齊同家棟笑指好難避城城口水,仲要落力忍笑!

城城指梅藍天呢個角色設計係有一對摔跤耳,再加一棚哨牙造型,城城笑指「假牙」係精挑細選,希望喺角色細節增添幻想空間,而城城覺得最難係學越南話,導演搵咗兩個老師去幫忙;家棟同小齊喺戲中既係冤家又係好兄弟,不時要自由發揮博到盡,有一場的士外搶錢戲仲要一鏡到尾,小齊笑言打到周身痛。

三人最難忘係拍廟街戲份足足耗時一個禮拜,城城坦言有壓力大;講到城城同小齊由歌手時期已認識,相識20幾年卻一直未有機會合作拍電影,直至呢套賀歲片先首度合作,城城指三人合作係冇得頂,大家對白要接得好,先會產生喜感,三人有時講對白要忍笑完成拍攝。

家棟回想拍呢套賀歲片嗰陣係疫情時期,大家拍攝時會感到吃力,即使大家戴住口罩開心,家棟都覺得係有鼓勵作用,再辛苦都願意努力去做,盡力帶畀觀眾開心嘅感覺!

林家棟向謝賢拜年大讚對方好精靈 計劃租歌廳為四哥賀九十大壽

謝賢日前被驚傳癱瘓送院,隨後陳淑芬即貼上同狄波拉一齊向四哥拜年嘅聚會照片闢謠。曾同四哥合作嘅林家棟喺出席謝票活動時就表示完全唔知有單咁嘅新聞,今年佢向四哥拜年時,四哥非常精靈,傾得開心更突然興起跳舞,令家棟話想等四哥90大壽時搵歌廳同live band,令四哥開開心心跳到夠。

同場仲有導演麥啟光、演員符家浚、姜卓文等一齊出席謝票,另外兩位男主角郭富城、任賢齊就因有外地工作而未能現身。電影宣傳工作雖然未有同期賀歲片強勁,不過就得到好口碑及大導演杜琪峯點名讚賞,令家棟同麥導好開心,仲話要等城城同小齊返港繼續宣傳,導演更話會請食飯。

 相關推薦

熱門搜尋