StarTalk丨郭富城學越南話被考起 任賢齊難忘與家棟拍搶錢戲打至周身痛

農曆新年賀歲片《 臨時劫案》由郭富城、任賢齊、林家棟首度攜手合作，呢日佢哋作客TVB娛樂新聞台節目《StarTalk》，與主播王鎮泉（Jeoffrey）暢談佢哋有趣嘅拍攝經過，講到城城哨牙造型夠晒出位，小齊同家棟笑指好難避城城口水，仲要落力忍笑！

城城指梅藍天呢個角色設計係有一對摔跤耳，再加一棚哨牙造型，城城笑指「假牙」係精挑細選，希望喺角色細節增添幻想空間，而城城覺得最難係學越南話，導演搵咗兩個老師去幫忙；家棟同小齊喺戲中既係冤家又係好兄弟，不時要自由發揮博到盡，有一場的士外搶錢戲仲要一鏡到尾，小齊笑言打到周身痛。

三人最難忘係拍廟街戲份足足耗時一個禮拜，城城坦言有壓力大；講到城城同小齊由歌手時期已認識，相識20幾年卻一直未有機會合作拍電影，直至呢套賀歲片先首度合作，城城指三人合作係冇得頂，大家對白要接得好，先會產生喜感，三人有時講對白要忍笑完成拍攝。

家棟回想拍呢套賀歲片嗰陣係疫情時期，大家拍攝時會感到吃力，即使大家戴住口罩開心，家棟都覺得係有鼓勵作用，再辛苦都願意努力去做，盡力帶畀觀眾開心嘅感覺！