馬東石新片末世求生再展身手 老友朴星雄期待睇勁揪場面

馬東石新片末世求生再展身手 老友朴星雄期待睇勁揪場面

韓國身手不凡嘅人氣演員馬東石又出新戲,呢日佢聯同一眾演員盧正義、張英南等現身首爾一個大型劇場為新片造勢,新片講述喺變成廢墟嘅世界,生活係只靠力量支配,努力喺末世求生。

馬東石接拍嘅電影一向係打鬥連場,今次呢位健碩大叔再展身手,一眾演員希望大家入場當減壓,最重要係睇得開心,呢日有不少好友嚟撐場,包括朴星雄、李先彬、崔然竣及李周映等,老友朴星雄就期待睇馬東石勁揪場面。

電影泉攻略|占基利回歸《超音鼠大電影3》 畢彼特將演出昆頓塔倫天奴最後執導作品丨EP90

電影泉攻略|占基利回歸《超音鼠大電影3》 畢彼特將演出昆頓塔倫天奴最後執導作品丨EP90

王鎮泉 Jeoffrey  每星期為你提供最熱辣電影資訊,中外猛片專訪花絮上映時間全部集齊。「電影泉攻略」每周四買定爆谷陪你睇新戲。

有睇過超音鼠電影系列嘅朋友,都知道入面飾演大壞蛋蛋頭博士嘅占基利畀超音鼠打敗咗,但係喺最後彩蛋入面,似乎見到佢仲生存緊,所以大家都諗喺第3集入面占基利會唔會參演,點知占基利早前爆出希望退休嘅言論,大家就諗佢應該唔會演出,不過喺最新年推出嘅《超音鼠大電影3》預告片入面,去到最後竟然聽到蛋頭博士嘅邪惡笑聲,間接證明占基利會回歸參演,而呢場鼠蛋大戰將會喺年底上映!

本周嘅新片速遞有:

《Madame Web蜘蛛夫人》,係「蜘蛛俠電影宇宙」嘅首部女性超級英雄電影。曼克頓救護員嘉絲,亦係擁有心理感知及預知未來能力嘅蜘蛛夫人,喺某次救護行動令佢同三位陌生女孩嘅命運交織,佢要被迫面對自己嘅過去外,同時亦要帶領女孩們喺有限時間內對抗未知嘅強敵!

《快一秒的他》喺郵局工作、快世界一秒嘅皇一,遇上總係慢世界一秒嘅女仔麗華,到底自帶時差嘅佢哋,可唔可以搵到自己嘅幸福呢?

《熊抱青春記》13歲少女李美蓮 ,除咗要面對踏入青春期身體、性情、人際關係嘅急劇變化外,心浮氣躁嘅佢,一激動就會變身成巨型小熊貓!

鬼才名導演Quentin Tarantino之前發表過,佢整個人生只會執導十部電影,之後就唔會再執導演筒,而佢最後一部執導嘅,將會係《The Movie Critic》呢部電影,最近亦進一步確認咗會搵嚟Brad Pitt參演,而題材將會係以Tarantino年輕時,曾經擔任色情雜誌販賣機補貨員嘅經歷為籃本。不過Tarantino一生只指導十部電影嘅言論,令好多影迷喺度數,發覺嚟緊呢部將會係Tarantino第11部電影,原來Tarantino當年嘅《標殺令》1同2,佢係當一整套電影嚟看待。

今個星期票房戰況:截至2月14號中午,第3位《臨時劫案》;第2位《盜月者》;第一位,《飯戲攻心2》

熱門搜尋