2024開運救兵|伍姑娘被批行十年大運 伍富橋望生育師傅指露台風水好

2024開運救兵|伍姑娘被批行十年大運 伍富橋望生育師傅指露台風水好

踏入甲辰龍年再一次進入「九運」,每廿年一轉嘅地運,唔止影響家庭、事業、健康,就連香港運勢都一樣被牽動。而今晚首播嘅全新風水命理節目《2024開運救兵》, 請嚟三位喺唔同領域獨當一面嘅玄學師傅,好似「地運風水師」 Depp、「女巫公主」慧慧同「命運占卜師」裸泳組成「開運兵團」,加上兩位主持J2ers 黃紫恩、陳國麟 幫觀眾新年行好運。

《2024開運救兵》今晚就喺J2教大家開運大法

一連10集嘅《2024 開運救兵》嘉賓包括 伍詠薇、伍富橋同太太梁兆楹 、歌手陳慧敏、黃美棋、黃建東、連詩雅、周吉佩、吳業坤、 關楚耀同譚凱琪。三位師傅組成嘅「開運兵團」將施展「家居風水大法」、「開運魔法」、 「潮流開運攻略」,務求令嘉賓運氣更上一層樓,觀眾亦可從中得益。

今晚首集主題就係「財運 level up」,率先登場嘅係鴻運當頭嘅伍姑娘。Depp師傅提到今年正財同偏財位位處香港東北同西北兩處,仲指伍姑娘身邊唔止多貴人,嚟緊仲會行10年大運,喜出望外嘅佢話︰「我幾十歲仲有十年運行,我住喺新界區都應該算北。」

伍姑娘被幾位師傅指將行十年大運

佢又自爆打台灣牌經常贏錢︰「打牌有啲小運,永遠幾爛嘅牌,到最後我都會摸到好靚。啲朋友發現我潛力就成日搵我夾份打。試過最多贏 5 萬幾蚊,傻人有傻福,係爭六合彩未中。」

節目中慧慧師傅會教大家製作 「魔法聚財箱」,而裸泳師傅提到伍姑娘露前額嘅新髮型配上鮮紅打扮,係催運絕佳配搭,因為今年行運招財顏色係紅、橙同明亮顏色,想知更多行運秘技,就要密切留意節目喇。

伍富橋同太太Shirley將會擔任第2集嘉賓

而初四晚一集嘅主題係「夫妻事務所」,嘉賓係有「億萬駙馬」之稱嘅 伍富橋 同太太梁兆楹。佢哋喺「快問快答」環節中已經心有靈犀,非常清楚對方喜好,Alvin仲被太太踢爆口頭禪係:「老婆呀」,Shirley話:「佢每日都講成百次,我啲朋友都話佢煩。」表面似抱怨其實語氣就擺明公然放閃。

有意生育嘅佢哋仲被指可以考慮全屋最好嘅呢露台,搞到笑聲四起

Alvin同Shirley前年拉埋天窗後,一直希望開枝散葉。Depp師傅就由家居風水入手,仲斷言睡房特別係露台部份,係絕佳風水位置。裸泳師傅聞言即大笑,提議佢哋可能會有「意外收穫」,引得全場大笑。

Depp師傅研究完佢哋5000呎大屋平面圖之後慨嘆︰「你屋企迷宮咁大喎,咁多樓梯、走廊,喺呢度我嘅方向感已經迷失咗……」跟住師傅講笑話︰「Alvin你問我可唔可以增設籃球架,咁嘅屋企增設足球場都得呀,呢啲關個人喜好同能力事,唔關風水問題。」而裸泳師傅又提議佢哋多穿著啡色衣物減少嗌霎,慧慧師傅就為佢哋手綁紅繩促進感情。

呢個露台又確實係幾清幽嘅

《2024開運救兵》年初三晚起 逢星期一至五 20:30 J2(82台)

伍富橋被網民嘲「嫁得好」眼光獨特? 有米妻Shirley罕發千字文爆粗反擊:X得落佢本事

29歲伍富橋被網民封為「億萬駙馬」,佢與富家女老婆梁兆楹(Shirley)經常喺社交網放閃,老婆更不時整蠱老公,二人大曬恩愛,未想到此舉卻受到外界批評,Shirley喺社交平台貼出長文連環爆粗反擊網民。
Shirley喺社交平台貼出長文連環爆粗反擊網民。

Shirley噚日喺IG Story貼出長文,兼且夾雜粗言穢語,佢先指跟老公伍富橋走埋一齊,必定係有原因的,「可能是因為累了想安定下來,可能是因為互相利用,當然也一定有真愛」,Shirley認為相處係兩個人嘅事,旁人就不必「參與」,每個人都有自己嘅選擇。
Shirley噚日喺IG Story貼出長文,兼且夾雜粗言穢語。

對於被指伍富橋「炫富」、「嫁得好」等,Shirley提到佢同老公跟一般夫婦無異,「會爭吵磨合,也會為未來擔憂,柴米油鹽,跟所有人沒有不同」,Shirley更出言維護老公,「覺得一個人配不起另一方,就是對那一方的肯定」,唔介意網民對佢嘅攻擊。
對於被指伍富橋「炫富」、「嫁得好」等,Shirley提到佢同老公跟一般夫婦無異。

對於別人質疑伍富橋眼光獨特,Shirley喺最後一句先開始爆發。Shirley曾考慮因老公伍富橋職業,有時見老公唔能夠隨意盡訴個人感受,起初Shirley都怕影響老公,但係自己並非公眾人物,決定霸氣反擊網民;對於別人質疑伍富橋眼光獨特,Shirley喺最後一句先開始爆發「X得落佢本事,你恨唔X到咁多,完」,之後Shirley講完心底話後稱自己心情平靜,直言只係「做返自己」。

 相關推薦

熱門搜尋