中年好聲音2|譚輝智再獲MVP張佳添俾滿分 劉可大熱出局與王玥被淘汰

中年好聲音2|譚輝智再獲MVP張佳添俾滿分 劉可大熱出局與王玥被淘汰

大年初二播出嘅一集《中年好聲音2》正式誕生12強選手,第九部曲嘅「陳慧嫻金曲賽」當中, 顏米羔 同 譚輝智 嘅表現略勝一籌,兩雄相爭之下更同時得到相同分數,最後由原唱兼客席評判 陳慧嫻 選出 譚輝智 第三次獲選MVP。

事後Priscilla亦親自解釋心中三大最佳,要選出一名成為MVP甚為困難,最後就將大家一聽就甚有驚喜嘅 譚輝智 ,佢一曲《歸來吧》仲令 張佳添俾出滿分,各位評判仲紛紛激讚。至於 譚輝智 本人就話完全估唔到有咁好嘅成績,亦對自己表現滿意呀。

至於一直表現不俗,仲被視為熱門之一嘅 劉可 ,呢集就因為表現平平而被淘汰出局,令唔少人都大跌眼鏡,佢亦坦承自己演出未盡如意,亦平靜接受被淘汰嘅結果,佢又指識到咁多有共同目標嘅朋友係最大得著。

至於同時被淘汰嘅 王玥 更淚灑舞台,佢就指今次參賽覺得緣份非常奇妙,自己由全職媽媽變身為14強選手,覺得已經係人生一個成就咁話。

中年好聲音2|譚輝智獻唱《歸來吧》 肥媽感動爆喊 劉可被Foul繼續保持正能量

《中年好聲音2》初二播出第九部曲《陳慧嫻金曲賽 喜氣洋洋賀十二強!》下半場,經過一輪激戰,越唱越強嘅實力唱將 譚輝智 獻唱《歸來吧》,憑真摰歌聲將曲中寂寞、委屈同思念等情感發揮得淋漓盡致,肥媽被感動得毛管戙兼爆喊,張佳添更俾出首個20分,最終輝智獲得全集最高分93分,第三度獲得MVP,而王玥同劉可則被淘汰。

對於輝智演出,陳慧嫻大讚:「你係後起之秀,成為四大天王其中一位!你呢個男仔Version我好滿意,呢隻歌好難唱,但你完全揮灑自如。」肥媽講評語時再度落淚:「我哋成日出去做嘢,除咗疫情,我三十幾年冇同屋企人過年,佢唱出咗嗰種感覺(離鄉別井),我嘅感受比任何人都深,你唱時我已經喊同毛管戙。」

而一舉俾出20分嘅張佳添則話:「你將我第一次嘅20分攞走咗,畀你Touched到,無論係你嘅聲線定係表情,感受到好想家嘅感覺。」周國豐笑言:「點解你靚仔咗咁多,又偶像又有實力。」

譚輝智第3度獲得MVP,呢集演出更出現首次20分

勇奪93分嘅輝智最終第三度獲得MVP,負責頒發MVP嘅陳慧嫻話:「佢令我好Surprise同估唔到,佢將一隻女仔歌變成咁費玉清!」而內斂嘅輝智亦都笑言:「想多謝Rita老師(韋綺姍),人生第一次學唱歌就係Rita老師教,學咗好多嘢,同埋多謝添Sir畀咗20分,我驚今晚瞓唔着。」

14名選手演出完畢後,同樣獲得79分嘅劉可、陳蒨葶、以及75分嘅王玥留喺危險區,王玥因為獲得最低分毫無懸念被淘汰,而劉可同陳蒨葶「邊個有得留低」就由評審團退庭商議,最終劉可被淘汰,宣布結果嘅張佳添坦言:「呢個絕對係好困難、好痛苦嘅決定,都有啲傷感,要離開嘅係劉可,由第一集你畀到我哋驚喜,到中間畀到啲好正、有啲爭議性嘅演出,其實你係一個真正嘅Artiste,你要繼續唱歌,唱多啲好歌。」

一眾評判退席討論出局嘅係劉可定劉蒨葶

而被Foul嘅劉可未有太大傷感,繼續保持正能量,佢話:「好慶幸企喺呢個舞台,始終我太耐冇唱喇,咁多位都好犀利,呢一刻我都好開心,唔係好傷感。今次最開心係可以見到陳慧嫻老師,雖然今次呢隻歌唱得有失水準,但好想同你講你係我畢生嘅偶像,最後仲要多謝我嘅屋企人、Fans同埋朋友,係我最大嘅Back Up。」

失準嘅劉可最後被淘汰

12強名單分別包括: 鄭梓浩、陳俞霏、陳蒨葶、林若盈、安雅希、顏米羔、沈宗賢、陳燕娜、古淖文、黃劍文、劉威煌同譚輝智。

 相關推薦

熱門搜尋