影壇著名七公主結拜60周年 情人節恭祝影迷有情人終成眷屬

香港影壇早喺1960年代有著名「七公主」馮素波、沈芝華、陳寶珠、蕭芳芳、薛家燕、王愛明及馮寶寶，家燕姐今日喺社交平台貼出合照，指今年適逢佢哋七公主結拜60周年，所以喺2月14號呢個溫馨甜蜜嘅日子，佢哋恭祝大家有情人終成眷屬、甜甜蜜蜜。

今年適逢佢哋七公主結拜60周年。

七公主早已各有發展，雖然佢哋唔常見面，但感情深厚，七公主嘅四位公主馮素波、蕭芳芳、薛家燕及王愛明，喺大年初二向長輩拜年，結伴探望仙姐白雪仙，當日阿姐汪明荃喺社交平台貼大合照，不過嗰日喺合照中未見寶珠姐，但係今日家燕姐擺出嚟，終於見到寶珠姐同芳芳姐同場，掀起影迷回憶！

「七公主」均係童星出身，自細已相識，眾人感情融洽。

邵氏電影公司當年捧紅唔少明星，「七公主」均係童星出身，自細已相識，眾人感情融洽，佢哋喺1964年於尖沙咀金冠酒樓舉行結拜儀式，結義金蘭為「七公主」；波姐曾接受電台訪問講起當年波姐20歲，其他公主得十幾歲，芳芳媽就唔想搵一個過於成熟嘅女星做「大公主」，希望搵好似波姐咁單純做大公主，因為一個人單純先冇嫉妒心，先唔會嫉忌其他人成名。