53歲嘅 鍾麗堤 2016年同內地男星 張倫碩 結婚，定居北京嘅佢仲有同第二任丈夫所生嘅Jaden、同Cayla一齊生活，小朋友同後父相處亦非常融洽，更曾祝繼父父親節快樂。早前Christy同第一任丈夫所生嘅長女；2021年度溫哥華華裔小姐冠軍 張敏鈞 一齊過聖誕，五口子亦同度呢個溫馨嘅節日。
雖然日前14歲嘅幼Kayla日漸長大嘅外貌吸引網友而成為熱搜，不過今日情人節，年屆53歲嘅Christy亦毫不吝嗇，大騷佢歷久不衰嘅迷人曲線，以一身貼身服裝盡騷佢嘅好身材，將一眾年輕女藝人統統比下去，亦不讓乖女專美。Christy仲留言希望大家情人節快樂，仲叫大家打開心胸先會獲財神關照，龍年自會好運來呀。
