尋找世界另一個我台灣篇｜郭柏姸訪台中高雄會另一個我 感謝父母淚崩蒲吧傾女人經

被外界比喻為綜藝版《尋人記》嘅《尋找世界另一個我 台灣篇》，上星期先由 譚俊彥 率先到台灣尋找與自己同名同姓嘅「有緣人」，交換成長故事，互相為對方實踐夢想，過程有笑有淚，既歡樂又感動。

而本周就有 郭柏妍 接棒，走訪高雄同台中展開尋找「郭柏妍」之旅。今個星期一連兩集，Rosita唔止遊覽兩個城市嘅多個名勝，好似中央公園、新堀江商圈、彩虹眷村、秘境森林等，又先後同兩位郭柏妍’s會面。

Rosita到台灣同另外兩位郭柏姸會面

Rosita同第一位「郭柏妍」喺公園談心時，發覺大家唔止同名同姓，就連性格、家庭環境、衣著喜好都甚為相似「好似冥冥之中有聯繫」。Rosita亦話自己同父母關係猶如朋友，感謝佢哋自小悉心栽培，為自己鋪好一條完美道路，而講到對父母嘅愛， Rosita更感觸落淚哽咽：「屋企人就好似同我一齊畫咗幅好靚嘅畫，我再喺上面加多啲嘢，錦上添花，豐富人生。佢哋好為我諗，令我生活無後顧之憂，好多謝佢哋。」

佢仲話非常多謝父母為自己安排好成長嘅生活

佢仲透露參加《2020香港小姐競選》後入行，曾有好一段時間不敢唔家人分享，真相令人動容。除咗親情觸動人心，Rosita嘅夜店初體驗亦令人臉紅心跳！ Rosita同「郭柏妍」換上互相為大家揀選嘅夜蒲戰衣，之後就齊齊出動蒲夜店，一到場就獲半裸男模熱情招待，而其中一人仲邀請兩位郭柏妍「摸」巨胸，之後另男模嘅舉動仲嚇到 Rosita緊張尖叫，記得留意節目就自有分曉喇。 

蒲吧時仲有超強壯男模埋身

星期五一集，Rosita同已相認嘅「郭柏妍」一齊尋找第三位「郭柏妍」，對曾經歷唔少不愉 快成長經歷嘅呢位世上另一個我，Rosita同對方深情分享感受，仲指自己以前亦曾只顧讀書，長大先領悟到「YOLO（You only live once）」真諦：「因為只會喺呢個空間、時空、地方生存一次，咩都要試吓，唔好約束自己。」

兩位少女郭柏姸緊張到挾實對方手仔

之後三位郭柏妍又喺海邊狂傾女人經，Rosita自爆17、18歲時曾向男生示愛食檸檬，又大膽 同「郭柏妍’s」探討婚前性行為，想知佢哋對性與愛有咩睇法，就要留意節目喇。

《尋找世界另一個我 台灣篇》逢星期四、五晚 22:30 翡翠台